大叔大婶搭港铁无位坐　暗寸：啲后生霸晒位唔识让座　港女咁还击

让座本是美德，但不应强迫或嘲讽别人不让座，否则关爱随时变成批斗！有港女在网上发文表示，有次乘搭港铁坐下，1名放工的大叔没位坐，便与同行的大婶暗讽“𠵱家啲后生霸晒啲位”，大婶回应“想坐都无得坐”，大叔更指“啲后生都唔识让座”。随后有人下车离开座位，大叔即指“再唔快啲坐，等阵又被啲后生坐晒”。

正坐在大叔大婶面前的港女坦言“凭咩觉得你需要坐，我唔需要先？根本睇唔出我（港女）边度唔舒服”，甚至爆粗留言指“喺度暗X我都冇用，X完我都唔会让畀呢啲人”。不少网民同意楼主观点，表示“遇过呢啲单单打打，你望住佢地笑就得”、“戴耳机玩手机，完全唔需要分一丝注意力落呢班佢哋度，佢有佢X，我有我坐”。

楼主在Threads表示，有一天乘搭港铁时，见有空位便坐下，其间面前站着1名大叔，凭其打扮估计是刚刚放工，怀疑大叔感到疲倦，不满没有座位坐下，于是暗讽“𠵱家啲后生霸晒啲位”，同行大婶亦附和指“系啰，想坐都无得坐”，大叔更叹气呻“唉，啲后生都唔识让座”。

楼主听到这番言论，仍然继续安心坐下，隔了一会儿，旁边乘客离座下车，大叔又说“终于有位坐，再唔快啲坐，等阵又被啲后生坐晒”。

楼主在帖文表示，“凭咩觉得你需要坐，我唔需要先？”，批评对方“根本睇唔出我（楼主）边度唔舒服”，认为想坐下便应该乘搭的士，“喺度暗X我都冇用，X完我都唔会让畀呢啲人”。

多名网民亦指“见过个阿婆赶上车身手敏捷，一上到车即刻笃返支拐杖弯晒腰咁，去关爱座坐紧个后生面前，个后生即刻让佢坐，叹为观止”、“我都遇过，讲足五六个站自己骨头有几脆，到我落车，我一郁，企都未企稳就摄咗入我本身坐个位度，搞到我向前仆，我先系骨头脆𠮶个”。

（Threads）

相关报道：批后生女搭港铁不让座予婆婆　港妈PO相公审反遭围攻：老奉要让？

港铁让座问题再起争议！有港妈于网上发文表示，近日乘坐港铁时有年轻女子“同阿婆争位坐”未有让座，坐下后更“施施然”看手机在淘宝，直斥“大家都会有老嘅一日。人在做，天在看”。港妈并把涉事女子照片上载公审，结果反惹来网民“围攻”指摘“一定要老奉让畀你？”、“又喺度玩批斗”、“唔好道德绑架人啦”。