买平底锅问有冇新？收银员咁回应1秒激嬲顾客　网民：感觉唔愿做

想顾客再度消费，店员必须以礼待人。有顾客近日到百货公司购物时询问收银员有否全新商品，对方未有正面回答，只是重复说“一样㗎，一样㗎”，身后的售货员即时帮忙解答店内没有新货。顾客认为收银员可以清楚回应查询，又不满对方质疑她不会购买商品，无奈称“𠵱家零售店啲服务态度真系麻麻”。网民指不少店员态度恶劣，“感觉依家啲人唔愿做”，指出问题原因在于公司薪酬低和缺乏员工培训，亦有网民质疑问错人，“有无新应该问售货员”。

楼主在亲子王国讨论区以“𠵱家啲收银嘅答复好难理解”为题发帖，她日前到百货公司想买平底锅，拿起陈列品问收银员有没有新货，对方未正面回应，“我问咗佢两次，佢都系讲‘一样㗎，一样㗎’”。最后是收银员后方的售货员出声，“话啲货攞晒出嚟，无新㗎啦”。

楼主反问收银员，如无新货大可直接告知，岂料“佢好晦气咁同我讲你系咪买㗎，我就话我系买㗎”、“我心谂唔买问嚟做乜，我又唔喺运吉嘅”，原本无论有无新货她已决定购买，“有新货梗系好啲啦，问多句，佢咁样嘅答复，唔系我阻住其他客，喺佢态度真系有问题”，可惜现时零售业服务态度普遍欠佳。

有网民留言分享购物时的不快经历，“想用咗张快过期的券，点知去到收银话今日有优惠唔用得”，店员再“寸爆”称“你无得选择”，另有留言指，“我试过类似，叫我自己睇字，咁我上淘宝买有乜分别？转头即走”、“做售货员最忌语气差”、“hea做冇钱分嘅就用呢个态度”。

部份人认为现时零售业请人有困难，“𠵱家请唔到人，质素愈来愈差，愈来愈骑呢”，而且行内薪酬普遍低又缺乏培训，“几十蚊一个钟嘅part time（兼职），又无training（培训），系咁上下㗎啦”。但有网民笑言楼主其实问错人，存货其实应问售货或理货员而非收银，“收银未必知货存，应该揾咗售货员先，不过个收银员都是hea 答你”。

（亲子王国）