买外卖不满员工“执漏个饭”　港男狠批缺工作能力　后续1句更衰

饮食业每日面对大量食客，偶尔出错亦属人之常情！不过日前有港男嬲爆发文，指到某连锁快餐店购买外卖时，不满负责整理外卖员工“执漏个饭”，斥责对方最基本的工作能力都没有，更口出狂言称“不如去拎综援”，惹来网民围攻。有人批评他无品，“纯粹执漏个饭就要人身攻击”、“人哋最多都系无工作能力，你连做人嘅能力都无”；亦有人质疑他自身有责任检查外卖，“买完嘢唔检查一次，咪一样系能力低嘅人”。

“激死人”。该港男在Dcard以“唔好话我火大，你班执餐嘅连最基本嘅工作都做唔好，不如去拎综援”为题发帖，并上传1张照片，指日前到某连锁快餐店购买外卖，但就不满负责整理外卖的店员，于其外卖“执漏个饭”，斥责对方最基本的工作能力都没有。他补充，近1个月于其他快餐店都有遇到同类事件，因而侮辱称“最近请嘅系咪文盲”。

帖文一出随即引来网民围攻，“明你嬲，但学下管理情绪同尊重人先”、“劲无品，纯粹执漏个饭就要人身攻击”、“把口唔使咁臭，不满咪投诉”、“食𠮶$30快餐店嘈嘈闭，当自己食五星级米芝莲餐厅”、“人哋最多都系无工作能力，你连做人嘅能力都无”、“情愿请文盲，都唔想请你呢啲狗眼看人低嘅人”、“自己谂下，如果有日你老板老师咁同你讲，你会有咩感觉”。

有人质疑楼主自身有责任检查外卖，“买完嘢唔检查一次，咪一样系能力低嘅人”、“我中四𠮶年做过饮食业，做完更加明白做饮食真系好艰难，工时长人工低，但系𠮶种辛苦令我好Respect（尊重）佢哋，10几个钟企喺度，又要去楼面应付啲客，唔系咁简单”。楼主则回复“佢（外卖袋）已经打咗2个结”，又反驳“第一，你收钱做嘢唔系做义工。第二，工作辛苦唔系你做唔好嘢嘅借口。能力不足做底层工唔紧要，你连呢啲工作都做唔好，犯重大失误系咪抵X”。

惟有留言觉得楼主不满是正常，“执齐嘢系餐厅责任，买外卖都系想方便啫，执漏最尾只系麻烦自己，所以先要Check，成个风气错晒”。不过有人就贴出截图，发现楼主曾编辑帖文，原先怒骂涉事员工内容更是离谱，有网民看不过眼称会举报对方，他才修改内容，故遭众人谴责。

（Dcard）