ZOHO WiFi 分享网络与翻译机开箱！千六蚊玩翻译加 WiFi 蛋

去旅行唔识讲当地语言未必输蚀，但食饭就无可避免会有啲麻烦，一来要慢慢睇菜单，二来叫菜时下下都 This This This，讲得多都口臭失礼。今次介绍“ZOHO WiFi 分享与翻译机（A8）”睇落同坊间有卖嘅翻译机差唔多，唔系细心留意啲字都唔知佢有咩卖点。

英语世界嘅地方都仲好啲，英文再差都讲得到听得到，去西班牙或者法文地区，大城市当然无问题，但去一啲二三线城市已经语言不通，无事发生还好，唔识路搭错车想问都唔知点问。

去日本韩国多嘅应该都有类似体验，普普通通去下东京大阪首尔当然无问题，但离开大城市，去下附近啲城市仔，入下啲温泉区，去啲非旅客区，点菜真系苦过 DD，最麻烦系连 7-11 都无嘅时候，真系鸡同鸭讲。

有啲朋友话去外国驶咩呢啲翻译机，反正身体语言搭够，但当你试过旅开旅客区，试过入一啲地道小店但沟通唔到嘅时候，你就明呢啲翻译机几帮到手。有时啲野唔系你谂觉得佢几帮到手，系当你无佢嘅时候先发现原来唔可以无。

支援语言啱香港人

今次介绍呢部“ZOHO WiFi 分享与翻译机（A8）”睇落同坊间有卖嘅翻译机差唔多，唔系细心留意啲字都唔知佢有咩卖点。大部份嘅翻译机标榜支援语言多，呢部话支援 50 种，个部话支援 80 种，实行以量取胜，但其实大家用来用去咪又系个几种，最紧要常用嘅都有。

“ZOHO A8”支援嘅语言根本为香港人而设，一来有广东话，二来有日文、韩文、泰文、法文、德文、意大利文、俄语、荷兰语、波兰语、捷克语。日韩泰，西欧呢啲无问题。去北欧嘅话有埋挪威、丹麦、芬兰、瑞典，就算去东欧都有希腊、匈牙利、斯洛伐克，加埋其他好似印尼、阿拉伯等等，基本上你会去嘅都有齐。

使用上好简单，拣左想要翻译嘅语言后，系下面嘅按钮按，然后对住讲就识翻译出来，识听识讲会叫系差唔识跳。细细个有用过快译通个啲字典嘅一定识得用。

翻译同时系 WiFi 蛋

“ZOHO WiFi 分享与翻译机（A8）”最特别嘅唔系使用方法，系部机真系有为旅行人士想过。除左翻译功能外，佢本身仲系一只 WiFi 蛋。今时今日去旅行边有可能唔买定 SIM 上网，将 SIM 卡插入去 ZOHO A8 到，一来可以翻译，二来可以将 SIM 卡讯号分享埋出来用，一机两样，方便至极。

一般嘅翻译机又要 WiFi 连线，去到外国旅行除左带佢做翻译，仲要带多只 WiFi 蛋，费时失事。本身去旅行带嘅野都唔少，少得一样得一样。一部机做番 WiFi 蛋又做埋翻译机呢啲先系贴心嘅设计，真系有为用家想过。

总结：一机两用颇吸引

总括来讲，成部 ZOHO A8 最吸引系可以一机两用。去旅行嘅拿佢来做 WiFi 蛋，有需要时先系背包拿佢出来做翻译机，单系入餐厅叫𩠌都够哂方便。不过唯一怕系小心唔好用晒啲电，冇得翻译就麻烦啦。

【本文获“Mobile Magazine”授权转载】

《香港01》App，精彩游戏、动漫、好玩gadgets情报攻略及评测即时放送！
立即下载： https://hk01.onelink.me/FraY/hk01app