【靖听音乐】那一夜我遇上街头霸王｜专栏
一位中年汉穿着某快速时装品牌出品的红色羽绒大衣，一边抽著烟、一边踱步走过旺角西洋菜街。
“掉那星！班大妈、大叔自己搬红馆咁大堆音响落街开P！仲要自备座位添！？真系当条街系自己㗎！？”他一边拉下自己的墨镜，一边走近正在献唱的一位叔叔旁边，凝视着他的平板电脑。
“掉那星！你真系播住飞图MV跟住啲歌词唱K！？你咁样都叫自己做街头表演！？我都得啦！”说罢他非常劳气地把烟头丢在地上，没有踩熄就转身走开，却把两年轻人撞开了。
“有冇搞错啊咁冇礼貌嘅！？”年轻人劳气地看着这中年汉的背影走远，一边慨叹：“香港真系太多人喇，睇下几时陆沉。人又多声又大，仲要有咁多档街头表演；一条街有一两档演出就话OK啫，一条街十档就真系扰民喇！点解冇规矩限定有几多档演出㗎？”
旁边打扮较洋化的朋友以带英国口音的广东话说：“Exactly，我喺London嘅Covent Garden同一时间最多只会见到两、三个buskers，同埋都唔会成队band带晒成个PA system出街perform。London地铁站同埋Covent Garden等地方都有audition嘅system，你冇返咁上下功力都唔使旨意make it。同埋佢哋个制度会将buskers好fair咁喺唔同时间分配去唔同嘅地点，唔会比一个人长期霸主最旺最crowded 嘅位置。”
图片来源：www.coventgarden.london/street-performers
这时他们身边有一声巨响，把他们吓得弹开了两步；原来是一位叔叔在表演杂耍时失手掉了一只铁碗在地上。一位略有姿色的港女花容失色，一边咒骂：
“咁渣就唔好喺条街献世啦！乜街头表演唔使考牌㗎咩？”
“香港街头表演政府扮睇唔到，又真系无牌考㗎㖞，某程度上都系一种自由嚟嘅。”一位披著一把长长的dreadlocks乞儿头男子搭讪说。“我都觉得呢啲演出有啲影衰香港，好惊啲外国游客觉得香港音乐就系咁样，但系同时间地我又见到啲公公婆婆阿姐阿哥真系好享受㗎㖞，所以我心情都好矛盾，唔肯定管制左系咪就一定好啲？”
那位港女见到这名男子的奇装异服有点错愕，没回应就走开了。这男子身旁的友人一边把手上点燃的香烟类物体传给他一边说：“唔该政府千祈唔好插手啦，佢哋搞文化搞边样死边样。随时仲会有政治审查。”
“佢哋如果揾返啲行内人识音乐识文化嘅去搞可能会好啲呢？”dreadlocks男回应道。
"Oh my God this street is so surreal! I've never seen a busking culture like this! It's so bad it's good!!! It's the perfect example of what you shouldn't do as a busker!! I have to film this man!" 几个美国游客经过西洋菜街时显得异常兴奋。
Dreadlocks男和友人互相打了一个眼色，无言。
“希望佢哋会去埋尖沙咀同埋铜锣湾喇......”
***
尖沙咀码头聚集了七、八档的年轻人在街头表演，全都只距离旁边的演出者10多米，声音都盖过了大家。其中两个演出者出现了争执。
“你个音箱开到咁大声做乜啊？”
“我都系见你开到咁大声我先至开返大声啲咋！”
一位带着圆框眼镜、穿烂牛仔裤的胡须男企图调停：“不如你哋一个玩完先到第二个开始啦？每人玩一个钟咁咪唔怕影响到大家啰？喺苏格兰爱丁堡街头表演其实规定要100米外先可以开另一档；香港虽然地方细好多，但系都可以轮流玩有返啲尊重。”
“阿哥关你咩事呀？”
这胡须男无奈地摇头，一边走一边自言自语：
“自己地方自己救，就算冇法律立例都唔需要争先恐后......”转眼已消失在人群中。