旧区面临清拆重建 “画下嘢”留住香港昔日风景
市建局早前就士丹顿街/永利街重建项目向城规会申请放宽地积比率，在原为旧式唐楼的位置上兴建20层高商住大楼，但就被批评毁旧区特色。近日，市建局决定撤回有关修订方案。
“本身系好钟意画画。所以都想用写生认识返自己社区。画返旧嘅回忆。”市区变改令人兴叹，却也引起一群喜欢“画下嘢”的人走入小街窄巷重新探索社区。这次他们来到上环士丹顿街，以画笔为旧日香港留痕。
画过长沙湾、中环永和号
以画保留本土记忆
从事设计行业的彭啤，去年11月
与另一位同样喜爱画画的友人
成立“画下嘢 Wahayeah”专页，
定期举办城市速写活动。
“本身好钟意画画，
所以都想用写生认识返自己社区，
画返旧嘅回忆。”
之前画下嘢召集一众爱画之人，
去过长沙湾、中环永和号、
跑马地山村道54号大宅、
北角继园街等绘画旧区面貌，
兼与参加者分享该地的社区故事。
来到上环永利街，
背后亦有故事：
“2010年有套电影叫《岁月神偷》，
令大家了解返永利街嘅情况，
将佢由原本嘅重建范围剔咗出嚟。
不过依家佢嘅重建区扩大晒，
喺附近嘅城皇街呀、
华贤坊西、华贤坊东
同埋下面嘅士丹利街
呢几个部份都计划拨入重建。”
街坊路过感好奇
坐低一齐“画吓嘢”
活动当日天色阴暗，
一直下着毛毛细雨。
彭啤先在集合地点
旧必列者士街街市前
（将改建为香港新闻博览馆）
简单讲解士丹顿街重建区背景
及当日活动流程，
然后便着参加者自由活动。
“大家自由活动啦，
两个半钟、三个钟左右。
可能佢对呢个街角有感觉嘅，
就会坐低画呢个街角。
之后我地会排晒啲画出嚟，
互相欣赏返大家嘅作品啦。
然后会邀请返𠮶位朋友仔
讲解返点解画𠮶个角度，
有冇遇到咩特别趣事呀。”
喜欢旧唐楼：下面做生意
上面住 充满生活感
“自己中意旧唐楼
系因为佢个骑楼同采光嘅。
依家好少建筑的露台会贴近街道。”
彭啤认为唐楼与楼下生活环境贴近，
是令旧区充满人情味的原因。
“档主自己做返生意，
唔系大集团𠮶种营运。
老板同街坊关系密切，
都系我喜欢旧区嘅原因。
下面就系做生意嘅地方，
佢哋就住喺上面。
觉得系好充满生活感嘅
建筑方法、生活方式。
我觉得呢啲地方香港系值得保留，
而唔系变晒洋楼。”
遇好奇街坊
带埋狗狗一齐画
旧区的人情味，
除在本土电影或旧日相片的
浮光掠影中品味，
彭啤与画下嘢的参加者曾亲身体会：
“之前都去过唔同区接触街坊，
有啲街坊住咗好多年，好惊喜。
或者会话‘点解咁多人过嚟画画嘅，
我哋住呢度都冇乜特别啫。’
亦都试过有啲街坊放狗嘅时候，
见到我哋画画
就带埋只狗仔一齐坐低画画。”
上次画下嘢在北角继园街写生，
也有住在楼上的小朋友
特意回家拿画具一起画画。
今次在上环，
也有路过的街坊见数十人坐在楼梯画画，
好奇驻足观看或是搭话。
亦有画友与附近商铺的老板攀谈，
尤如街坊街里。
画后Sharing
画者解构画作
导赏后是作品分享环节，
三十人在楼梯围圈，
再将当日画作放在一起
仔细端详画友的作品。
然后由画者向众人解构自己画作，
例如画了什么、
为什么要这样画、
画画时的想法、
对周边环境的特别观察等，
亦有团友会主动称赞
“画得好靓㖞”
“呢个角度好特别”
“我钟意佢啲线条”，
气氛轻松自由。
彭啤表示今次的活动有很多新面孔，
时间较紧迫下只能选择部份作品分享
“之前都会揾返每位参加者
share(分享)返各自感受嘅，
差唔多每幅都会讲，
成个sharing会有个零钟。”
参加者：望捉紧香港尾巴
Elaine有在分享会中展示画作,
又带同妹妹Maggie参加
她表示已数次参加画下嘢市区速写，
不过是第一次来上环画画。
家在元朗的Elaine，
认为中西区保留了香港独有风貌，
“譬如叮叮（电车）呀，
其他地区系冇嘅。
我就好钟意画呢啲旧嘅区、旧嘅境。”
“虽然我唔系见证住香港嘅成长，
不过起码都可以捉紧香港嘅尾巴，
睇到好旧嘅景色。”
Elaine表示虽然喜欢画画，
却更希望这些风景能继续留在画框以外。
因为没有风景，也不会有写生。
“好想之后我老咗都有呢啲旧嘅香港景，
可以陪住我成长。”