萧若元列3点Mean爆反击大刘！佢已经冇新闻价值+大爆刘助养XX家人

富商刘銮雄（大刘）昨日（3/1）开记者招待会，回应早前在铜锣湾皇室堡被拍得与前女友吕丽君（现名吕姵霖）同框，更爆出复合传闻一事，记招开足个半钟，期间更大爆金句，一次过大吐忍受30多年的闷气，与此同时更点名批评“灯神”萧若元扮熟，昨夜萧就在YouTube上再次反击！

大刘刘銮雄在记招上批评萧若元在影片中的“扮熟”行为，表示他们只是曾在黄玉郎的公司见过一次，而被萧指的2人见面数次及单独食过饭，狠斥他“噏得就噏”，但对于行为就表示同情及理解，因为对方前往台湾是为了避债，“我都好同情同可怜佢，我帮过好多穷人，如果佢有问题，我唔介意帮埋佢”。

👉大刘刘銮雄狂爆金句谈吕丽君/乒乓波传闻　历年8大语录有句成潮语

另外，大刘也叫萧若元“求求你让我躲开，不要借我个名talk 3、talk4（说三道四），唔好胡乱招摇撞骗，话我狂躁症，你俾我虐待过嚟？”指自己只是创伤后遗症而非躁狂症。但就表明不会要求萧收回言论或采取任何法律行动，“事事都法律行动，变相益佢，亦唔会叫台湾朋友探下佢，不过如果佢再讲，会打击佢台湾网络平台，令佢无晒信用”。

👉连登仔轰港人肤浅无规划：买唔起楼只因你XX！中肯网民一句无情KO

萧若元回应｜大刘痛斥扮熟一事

萧若元后来于同日的晚上在YouTube频道上发布影片，逐点回应大刘的言论，萧先是指自己被大刘痛斥，但就“俾人痛斥到惯，我有咁多Haters，但俾咁有钱嘅人公开闹少见啲”。萧指大刘贵人事忙，回应：“我识佢系86、87年，我谂佢完全唔记得晒，有一次我同佢同时睇住政府救市𠮶次，用一千亿，另外仲有几次睇住政府沽空救市顶大䲔，大家系坐喺度睇。”

👉富X股票App年度回顾2022超寸嘴：输到食两𩠌饭！爆笑毒舌网民崩溃

萧若元回应｜躁狂症造谣一事

萧若元声明“躁狂症”只是复述网民的言论，而非由专业人士所讲，并解释“躁狂症系指啲人系咁发脾气，脾气好猛烈，自己控制唔到，发得比较多”，而大刘所提到的“创伤后遗症就系引起躁狂，其实两样嘢系冇咩分别，表达自己有创伤后遗症有两种方法，一个系忧郁，一个系躁狂，又有啲系又忧郁又躁狂。”

👉地盘佬体力无限？Office仔不解：返足6日都唔识攰！网分析3大原因

再指自己影片内容都是Facts（事实），“facts是可以查证，如果我讲任何人，你可以send email来指证我错，我一定更正。第二，如果系严重错误，我会道歉。关于刘生都系一样，讲边啲系错嘅你指正”，对于大刘没有躁狂症一事也可以叫医生出张纸证明，他愿意澄清这件事。

萧若元回应｜借大刘名呃Like赚钱一事

萧若元对于大刘批评他用其名拍片呃Like赚钱一事，直接搬出了自己YouTube Channel后台的数据，指出大刘影片在20条片中排名20，甚至连谈论肥妈的影片点击率也追不上，“我第一条片都百几万，许志安条片都七、八十万，许志安嘅新闻性都远远在你刘生之上，唔好以为有钱人大晒，喺历史上有钱人系冇咩社会地位！你觉得自己嘅重要性系Overrated，李嘉诚都冇咩地位，何况系你？”、“讲佢系唔会令我View数增加，一般嚟讲，刘銮雄已经冇新闻价值。”

👉港人移民加拿大做水电呻中伏！劝世唔好去：拎最低工资+考牌要4年

萧若元表示自己从没有主动谈论大刘，除非他有大新闻爆出才会评论一下，因为他是时事评论员，声言“我唔会主观讲李嘉诚同何鸿燊唔同，因为佢哋系列入商界十大枭雄。我睇唔到你生意上有咩杰出表现，冇你咁有钱嘅人都列入去。刘生，你净系炒下地产，我见唔到你有咩成就。”再指自己“我系所有人讲嘢最公正，亦都冇讲佢其他嘢，佢同女星嘅嘢我唔会讲，最后一点声明，佢嘅私人事唔会讲。”

👉内地市民倒数花式放烟花险象环生　自走炮乱扫射!网惊:痴线打仗咁

最后对于大刘控告或找朋友到台湾“招呼拜访”自己一事，表示“我有3个睇法，第一佢唔会咁做、第二我再讲你会咁做、第三你话你唔会咁做，但有人咁做就唔会入你数。大家觉得系咩？”。更大爆大刘刘銮雄助养一代香港“贼王”叶继欢的家人。