I don't know 食松糕下句？香港人20首小学鸡打油诗 你识几多首!
氹氹转菊花园…相信应该有不少人细细个正经的知识都记不入脑，但“打油诗”却不用背都能琅琅上口。有网民分享细细个经常和朋友所讲的打油诗，令不少网民都纷纷表示“唔知点解冇背过都记得”，更表示“回忆即刻翻晒嚟！”。
“打油诗”其实是指一种有趣味性的诗题，不注中格律、对偶、平仄，只注重“押韵”。相传“打油诗”的名字是由中国唐代作者张打油的名而来。清代翟灏在《通俗编·文学·打油诗》中曾引张孜《雪诗》云：“江上一笼统，井上黑窟窿。黄狗身上白，白狗身上肿。”自此后世都将这类诙谐幽默的诗称为“打油诗”。
“唐诗”大家可能没有多少首记得，但打油诗就一定首首都识背！除此之外，不知大家有没有发觉，不少打油诗的内容都离不开“屎尿屁”呢！《开罐》就为大家一共整合了20首每个香港人都一定听过的打油诗，快一起来重温一下吧！
20 首香港人个个都识背的打油诗
1. I don't know，食松糕，食完松糕变耶稣，耶稣教我念圣经，我教耶稣念佛经，耶稣话我唔正经，我话耶稣发神经。
2. 清明时节臭宾宾，路上行人臭到晕；借问厕所何处有，直行转左再转右。
3. 今日天气beautiful，阿妈带我买apple，识咗两个girl，生咗两只animal ，阿妈话我乖乖，带我去行街街，执到两只拖鞋，阿sir话要拉，点知跑得快，跑到加拿大，识咗两只歌斯拉，同佢玩啤牌，输咗唔愤气，同佢斗放屁。
4.一落楼梯，二楼仆低，三个关斗，四肢残废，五个伤口，六块胶布，七孔流血，八时入院，九时死亡，十分精彩。
5.氹氹转，菊花园，炒米饼，糯米糍，阿妈带我睇龙船，我唔睇，睇鸡仔，鸡仔大，攞去卖，卖得几多钱。
6.点指兵兵，点着谁人做大兵，男女厕所都入得，入得唔出得，出左就变骷髅骨，连呀妈都唔认得。
7.肥佬肥腾腾，买旧猪肉去拜神，行吓行吓屎忽痕，𢯎下𢯎下变超人，飞上天去救美人，跌落屎坑吓死人。
8.床前睇报纸，越睇越急屎，举头拎厕纸 ，低头赖咗屎
9.One More Two More，屎忽大个菠萝，菠萝似粒的，好似朱古力，食咗会生迹，屙屎一滴滴，以后唔敢食。
10.XXX（人名）未够18岁学人揸飞机，跌落屎坑执玻璃，返到屋企唔忿气，BiLiBaLa放臭屁，阿妈以为漏煤气，原来衰仔放紧屁。
11.抵死食鸡髀，食完鸡髀冇钱畀，俾人踢去油麻地，伊利沙伯唔医你，阿妈为咗纪念你，攞条底裤笠住你，阿爸为咗纪念你，攞住支枪队住你。
12.床前开赌档，疑是十三张，举头飙冷汗，低头输清光。
13. 积积复积积，唔识就唔识，测验够刺激，居然无题识，上堂听唔识，捣乱多款式，自修一样识，睬佢都生积。
14. 话比老师知你搽胭脂，胭脂唔够红 去打乒乓，乒乓唔够响 我烧炮仗，炮仗唔够劲 去揾和尚，和尚唔知道 去揾师奶，师奶话我食提子，食完提子疴烂屎，疴完烂屎冇厕纸 ，唯有用手。
15.One two three four five，呀婆话我乖，带我去行街，行到半路执只烂水鞋，呀蛇话要拉，好在走得快，唔系条裤都甩埋。
16.万里长城长又长，我俩友谊比它长！洗洁精，万洁灵，沙粉难洗友谊情！
17.独自在山坡 高处食咖喱，食完就放屁 真系冇碇匿，行埋人身边 发出臭味，我都暗住个鼻。
18.河边有只羊，河边有只象，河边有仔马骝仔，好似你咁样~~hey。
19.星期四，玩游戏，揸把关刀追豆皮，豆皮爬上树，树上有个梨，梨里有粒核，吓到豆皮眼突突，返到屋企有条虫，食包何济公，唔使五分钟，就立刻止痛。
20. ABCD好急屎，去咗厕所冇厕纸，好彩有只小手指，撩下撩下好得意。