等我教精你！老海鲜给年轻人的15个人生忠告　穷L最紧要读呢科

人到中年，回首昔日年轻时总有不少遗憾，例如错过了一个很好的女生、读大学选科时读了乞食科、没有好好计划将来、没有趁年轻背包去一躺长旅行等。近日有自称年过三十的网民，在讨论区上发帖忠告年轻人，应该要趁后生时要做的事，惹来不少Old Seafood感性留言，希望一众后生仔好好珍惜光阴，不要再走冤枉路。

有网民近日在连登讨论区以“已经年过三十迈入中年嘅你 有冇啲咩忠告想对啲后生仔讲”为题发帖文，指自己这一生人也没有甚么建树，希望可以“留下少少温暖俾呢个世界”，表示若在年轻时看到年长的人的忠告，或许现况会改善不少。帖文一出即引来连登仔激烈的“爱的留言”，各人纷纷向年轻人提出肺腑之言，《开罐》整合了留言，挑选了15个忠告，希望各位后生仔好好“袋住”。

👇👇👇Old Seafood对00后的15个忠告👇👇👇

忠告【1】读专科。读专科。读专科（半肥瘦企鹅）

忠告【2】穷L如果有得拣麻烦拣入专科，唔好理咩八唔八大，甚至大唔大学，为兴趣而读书系一件好浪漫嘅事，但只系冇back up嘅浪漫。（FlyOn）

忠告【3】读书真系唔系你嘅全部，唔使睇得太重要，但系并唔系代表一啲书都唔使读。读书好似系一张入场券咁，读得好嘅话，你就容易啲入去啲高级场所，同埋识人真系好过识字。（以揉制肛）

忠告【4】唔使介意身边有几多朋友，朋友只要有一两个真心就够，到头来你会发现，识得越少人你嘅烦恼就会越少。对于啲令到你唔开心嘅朋友，直接割席系最好嘅解决方法，唔需要一味咁样阿谀奉承。（以揉制肛）

忠告【5】留意下自己身边，除咗家人以外，社会地位最高同时又肯帮你嘅人，好好珍惜呢段关系。识人系好过识字，但系要识啲肯帮你嘅人。（李寻欢）

忠告【6】拍紧拖嘅就等于现实中嘅interview，一日未结婚就等于未派offer，你仲有得拣。娶老婆最紧要拣个钟意你又关心你嘅人，如果唔系结咗婚一定后悔（大鹏哥）

忠告【7】拍拖又好，结婚又好，唔好将另一半当成你个世界，呢刻几幸福都好，有一日有问题发生，你先知有几痛苦 （知错啦）

忠告【8】唔好因为工作俾咁大压力自己，就算你做到死咗 ，公司都好快揾到人取代你。（系X咁痴人）

忠告【9】钱唔系悭出嚟，唔好对自己太孤寒，有啲咩觉得开心有意义嘅就即管洗落去，可以令到自己开心其实系一件好宝贵嘅事，要好好珍惜，你而家呢一种对于新事物嘅兴奋。你将会非常之怀念呢一种感觉。（ 以揉制肛）

忠告【10】尽早学习投资，打工只可制造积蓄，投资先系财富。( OneManBank）

忠告【11】每日做运动，十一点就好瞓觉，唔好打J。食健康啲，我是认真的，如果唔系，四五十岁你一定后悔。( 卜火丨钅丿钅㐅乂）

忠告【12】物以类聚，人以群分，有得拣，尽量畀心机，拣好嘅学校、拣好嘅公司、识好嘅圈子，当中产生嘅善性 / 恶性循环，会好似复利效应咁，导致未来成就差天共地。(穷三代IT狗）

忠告【13】呢个世界咩都会变，任何人事物都可以变，当你以为一样嘢，包括感情、健康、现况，唔会变𠮶阵，就系最恐怖嘅想法，亦好危险。(知错啦）

忠告【14】重要同最重要虽然好难分，但都要尽量分清楚(深紫72）

忠告【15】学识认错， 学识道歉， 面唔系所有。(我阿妈都叻过你啦）