移英港人做货仓呻基层生活压抑　最低工资+3大苦况叹：香港是天堂

移民到其他国家之后，就要重新适应当地生活，对于部份在香港高薪厚职，去到当地由低做起实属困难，而近日就有位网民分享自己移民英国后做工厂的心路历程，“希望香港朋友唔好忘记你哋美丽生活嘅背后，系有班人付出咗代价”。

近日有位网民在连登讨论区以“穷L移英有感”为题，分享自己移民英国后的心路历程，表示以前虽然赞同在香港生活是天堂，“始终人工唔错，喺香港消费系十分开心”，但现在身处英国，便在文中列出4点做基层的苦况。

首先，人工对比香港极低，自己在衣衫厂工作，“购买嘅人应该喺伦敦呢啲高消费地区生活嘅富人，几百镑一件，而自己收紧最低工资12镑都唔够”，虽然楼主自己在香港都没有购买昂贵衣服，但工资几万元，“去食几百蚊嘅自助餐唔会考虑，去日本旅行又唔觉得贵”，而在英国很难过相同生活质素的生活。

第二是工作内容沉闷，需要不断重复小学生都做到的事，工作时间内又不能使用手机，手机等个人物品不能跟身，“我而家做嘢𠮶度手机等物品又唔可以跟身，要锁喺locker”。其次工作压力又极大“啲上司又真系同你计住KPI，要你做快啲”，最后食饭时间极短，相比香港食饭时间大多有一至两小时充裕时间，更有部份公司亦会较为人性化包饭钟，楼主当地就截然不同，“食饭又得半个钟，仲要无薪”。

楼主回想起之前在香港工作，“可以冇压力，好舒服咁返工，成日都可以玩手机，可以做做下揾同事吹水，工作又有少少满足感”，楼主表示完全体会到基层工人的工作环境有多压抑，“而家我喺英国其实都只系体会到佢哋一半都冇嘅苦”，楼主希望香港人不要忘记在美丽生活背后，其实世界各地都有一班基层人士的付出。

帖文随即引来极多网民留言回复，部份网民支持楼主，认为应该体谅社会低层工作人士“系明白自己舒服嘅生活背后嘅代价，而且唔止系大陆人，仲有世界各地受剥削嘅人，而香港低层人士都系支撑着大家嘅生活”、“香港啲新移民咪又系咁，笑佢哋做清洁洗碗、做谭仔，唔做呢啲根本无得拣”、“楼主你心态好正面，我识嘅香港人做两日就话辛苦唔捞”、“香港赚钱最易，低税，无增值税，收息又无税，讲揾钱真系唔好走”。

亦有部份网民反驳楼主，“你唔谂下种咖啡豆摘落嚟卖几钱，最后人哋买几钱。你唔谂下你依家拎咗几百镑嘅货，喺大陆做𠮶时啲人时薪再低你几多，食物链就系咁㗎啦”、“依家呢个世代要时常为转跑道做好准备，要识分自己系食紧老本定真系够料，有余力就得闲去学下新嘢、考下牌，袋定喺袋先，要用嘅时候就喺袋攞出嚟，唔好要用先嚟去揾”、“无钱又无牌学咩人移民”、“如果后生，进修下转返文职。如果年纪大又有小朋友就同自己讲，移民最辛苦最惨系我哋呢一代，下一代会开始好”。