香港宠物蛋糕店误加朱古力制生日牌　反公审狗主𢱑著数惹网民围攻

如果家中有饲养宠物，都会对宠物的饮食安全多加留意，避免爱宠误食而产生健康问题，甚至死亡，而近日就有位网民上网订购宠物蛋糕，发现蛋糕上有狗只不能食用的白朱古力，而要求店家退款，店家其后匿名公审客人“R着数”，反被网民怒轰“呢个错真系会食死狗，唔系难食、唔靓𠮶种小事”。

近日有疑似宠物蛋糕店家在Facebook讨论区“西店Hi客之道”投稿，表示有一单宠物甜品因为店员疏忽问题，将原本宠物蛋糕上的曲奇饼误放成人类食用的白朱古力，客人其后打开盒发现后便立即联络店舖，“客人当下都话唔紧要，佢自己揼咗件朱古力”，但15分钟过后，客人就突然表示系严重嘅过失，“并对另一盒其他产品的安全性感到怀疑”、“觉得我哋嘅生产线会将人类食嘅嘢，同宠物食嘅嘢沟埋一齐做”，店家其后要求客人自行处理，并影相作存档便会完成退款，而客人沉默三个小时之后，又忽然要投诉店家“令到佢哋冇咗蛋糕庆祝，又觉得我哋安排好差，点解唔即场提出换个蛋糕俾佢”。

而该位客人留意到该投稿贴文后，便同样在“西店Hi客之道”投稿，在帖文中亦附上相关对话作网民参考，对话内容态度尚算客气，“我哋倾完都系觉得有危险性，需要退返个蛋糕”、“之后我哋都系要话俾大家听有呢个问题”，表示“冇谂过佢哋会用白朱古力做装饰”，而白朱古力对狗只来说有极大毒性，订蛋糕是希望自己爱宠能够开心过生日，并表示不是赔偿蛋糕的问题，“而系我根本唔知佢哋有冇安全指引，连呢啲基本狗只唔可以食嘅问题都可以发生，真系令人担心”，并在帖文提醒各位宠物主人，订狗只蛋糕前要了解清楚材料和安全性。

帖文一出后，极大网民留言支持事主公开蛋糕店，认为蛋糕店是次疏忽的确有机会令狗只死亡，“做错嘢系舖头，个客语气已经好客气，做客如果要咁卑微都几惨”、“其实个客唔立即爆间店已经好比面，我个仔命得一条，后面出事佢系唔系都系‘oops唔好意思’，真心唔敢博”、“其实到而家间铺（或者话CS）仲唔觉得有咩错，觉得用错朱古力牌好小事做咩要搞大坛嘢，但其实换转唔系小动物食，系人食的话，人哋可以告到你甩裤”、“呢啲会出事嘅嘢唔错得”、“朱古力真系会食死只狗 ，就算个客几西都系你地有错在先，做宠物蛋糕出现朱古力牌呢件事真系非常离谱，仲好意思公审个客”。

虽然极大部份网民都支持客人公审店舖，并大赞主人及早发现，避免有狗只因误食而意外身亡，但仍有少部份网民支持店家“错系一定铺头错先架啦，不过之后铺头都肯退返成个蛋糕钱”、“系店家严重过失，但客人都想Ｒ着数”、“本来系店有错，但后期就变咗客错，算啦打和啦”。而该Facebook讨论区“西店Hi客之道”亦在今日（26日）删除两个帖文。

根据台湾联盟动物医院的资料，朱古力中含有可可碱(Theobromine)与咖啡因，视摄取的含量而定，会对狗狗造成不同程度的临床症状。如黑朱古力的可可碱与咖啡因浓度明显高于牛奶朱古力与白朱古力，容易造成中毒的比例偏高。而白朱古力由于可可碱含量过低，被认为不易诱发中毒反应。可可碱主要会伤害狗狗的中枢神经、心脏、肾脏，可能会出现躁动、抽蓄、呕吐、腹泻、心咖律不整、呼吸急促等临床症状。
资料来源：“西店Hi客之道”FB、联盟动物医院