移英港女压力爆煲面瘫回流“精神健康烂晒”网民力撑：系唯一出路

移英｜回流｜近年来有越来越多港人移民英国，重新开展新生活，但港英两地生活习惯、文化差异等亦大有不同，不少港人在移英一段时间后回流香港。而近日就有位港人落地英国两年，自己的“精神健康一早烂晒”，更表示回流香港并不是选择，而是唯一出路，引来极多网民留言讨论。

移英港人Threads诉苦

近日有位港人在社交平台Threads发文，表示自己落地英国两年，“经历咗狗狗离开、BB出世、返工、身体出现警号、辞职、返教会”，整个生活都抱着抑郁的心情，更会无故大哭和焦虑，“觉得自己好似困住咗，成日喺条街度都觉得自己好似发紧梦，一直撑，但每日都度日如年”，又抱怨自己“点解人哋可以自己唔得”，楼主表示极希望能够适应英国生活，劝告自己不要回头，要为了下一代留在英国。

而楼主上月因休息不足及压力过大“无啦啦瞓醒半边面瘫咗，郁唔到”，就连睡觉时右眼亦不能合上，需要利用胶纸“黐住瞓”，“之后睇NHS（国民保健署）话系Belly’s Palsy（贝尔氏麻痹）”，表示“虽然自己唔去理，但身体都会话俾你知唔OK”，最后因为身体原因决定回流香港，认为回流香港比留在英国更需要勇气，“知道要重新开始，预咗听身边好多人嘅说话”、“其实喺我角度，返去唔系一种选择，而系唯一出口”。

网民反应两极

帖文一出口引来极多网民留言讨论，网民反应两极，大部份网民支持楼主回流香港，“唔会唔好，识人都唔少选择返左香港住，有啲仲响英国已经买咗屋，而家间屋吉咗，佢地谂住留比仔女将来返黎住”、“无嘢比健康更重要，无论physically 定mentally 都系。祝你一切顺利，快啲揾返快乐”、“加油，无论去定留都总有人话你，你只需要照顾好自己心情同身体”、“我同妳情况一样，都系有小朋友，而情绪亦出现问题，嚟紧搅掂晒呢边嘅嘢就会返香港，留系度唔系代表一定好，返香港唔系代表一定衰。人生系自己，唔好理人哋，心灵健康最重要，一定有班人会适应外地嘅生活，有一班会唔适应，但唔好谂咁多，开心系对身体好，家人自己最重要，加油！”。

亦有小部份网民质疑楼主在移民英国之前没有考虑清楚，现在决定回流香港亦应多加考虑“认同你mental health 好重要，不过有冇谂过其实过多1-2年小朋友返reception 你就会轻松好多，有返个人生。而且唔知你知唔知而家香港嘅教育变成点，先唔讲政治，第一就不论1/2/3 线学校都系谷，小朋友好competitive，唔系话你小朋友适应唔到，而系惯左英国嘅学习模式，返香港应该会好地狱，死板，背诵，唔可以有自己思想”、“其实可能唔系唔适应，而系抑郁？番香港可能会更加加重病情”、“会唔会考虑先翻香港睇下健康情况同情绪情况真系有改善先回流，怕翻到香港帮唔到你康复。”

楼主面对极多网民留言讨论，亦在留言置顶补充自己当初是深思熟虑才决定移民英国，“计划移民已经喺香港plan左三年，所有可以准备嘅嘢已经准备晒，唯一唔系计划内嘅系黎之前就发现有咗，单单系呢一点已经同其他人好唔同。𠮶个地方，好多人都经历紧类似嘅嘢，自己谂通之后想讲句：生活系自己过嘅，人哋比嘅意见可以参考，不过实行嘅系自己，对自己同家庭负责任就好了”。