礼品店请兼职学生设计IG图　出价$XX一幅！网民围插：你不如去乞

自从疫情过后，不少公司都容许员工在家工作，市面上也多了可以在家工作的兼职，近日就有礼品店在社交平台聘请学生设计Instagram帖文，更声称可以在交通期间、放学空闲时间自由上班，却意外引来不少网民留言炮轰店主出价超低，大骂店主“乞食”。

近日有一间自称是香港首间伴手礼专门店的网店刚刚营运，并在社交平台threads发帖文，表示“我整图真系唔靓，希望征到识整IG嘅朋友仔”，工作内容只需三日出一个Instagram贴文，主题为粉白色，开价$60一个贴文，“可以搭车、放学𠮶阵整，完全WFH”，有不少学生表示有兴趣留言应聘，该店主也在两天之内找到合适的人选“我$40 ，有意请密我”、“有兴趣”、“$60太贵了，我平时收$30 ，可唔可以优先考虑我？”

但同时该贴文亦引来不少网民炮轰店主出价超低，认为开价并不合理，“真系唔好咁啦， design都系专业嚟㗎，要读degree 㗎，$60个post真系乞食咁，俾返少少尊重人吧，正常$600个post已经好底线，冇budget就用Canva整啦”、“冇钱，冇能力，就唔好开舖学人赚钱，正正经经打份牛工咪算啰”、“出得$60 ……不如你自己Canva算”、“以为你呢个Offer已经够晒黐线，点知真系有一堆人肯顶烂市，每三日先比$60你，即系每个月Maximum得$600 ，大佬你哋求其去翻份part-time一日都$600啦”、“其实冇钱咪唔好请人啰，唔好咁丢架。”更有网民留言提醒店主公价，“俾个公价你， $600-$800/ post连字，$1000以上基本上任改”。

面对海量网民留言炮轰店主，店主也有在留言直接回应网民，表示自己聘请的不是毕业大学生，而是在读的中学生或大学生，“其实$60佢都系用Canva我OK，而且我请嘅唔系U grad，系学生你搞清楚先”，更表示自己其实并不高要求，“普通靓靓哋，有排版就得”，其后店主也在threads开贴文，表示聘请的那位学生有证明自己值得更高价钱，“佢好优秀，放学靠自己赚少少零用钱，佢比啲又话人工低又话辛苦，唔返工、靠父母养嘅人好好多”、“我请返嚟𠮶个小帮手就唔系$60 ，佢俾嘅证明佢值得更高嘅价，自然可以令我俾个高啲嘅价钱佢。”

对于店主顺利聘请到适合人选，有网民则认为应该先提高自己在市场上的价值，自然就会收到好的价钱，“你收几钱同人哋开价系冇关系，重点系有人接咗做，接𠮶个人系有考虑过自己成本、时间、机会成本都足以justify到先做，当个个都用$60做，你想收$600 ，系你要话俾人知点解你值得$600 ，成日闹人顶烂市系冇用㗎，系你个市场价值唔够呀，你够劲就收到好价钱”。而该贴文亦被店主转载到自己的社交平台并表示赞同，“就系想讲，你自己觉得值，你咪Prove俾人睇，人哋觉得你值嘅，自然肯比”。