【老虎仔周记】朕开金口讲广东话 成香港第一猫（有片有真相）
爱护动物无分国界，《香港01》宠物频道及其facebook专页欢迎你投稿。本文由Faith投，她分享了老虎仔开金口说话的背后秘密，果然是帝王，老虎仔表示：“江山美人，朕全都要！”
朕要学广东话，无非都系为咗一个原因……
上回提到，被两奴才知道我识听广东话之后，佢哋要求就越来越高，仲要我学讲嘢添......讲什么？朕先卖个关子。
等朕先讲另一个秘密比你地听。
仲记唔记得我上次冒著大风雪，好夜都仲要出街。虎妈凭女人天生的直觉，竟然问咗我一句系咪约左女朋友，我紧系即刻答唔系啦！若果比佢哋知道我为咗个女人而同佢哋周旋咁耐，咁样……朕，颜面何存呢！不过朕既然连江山也收服了，面对如此大风雪，朕又点会唔为红颜挂心。不过，我俩都有共识系要低调啲。𠮶日冒著大风雪，朕只要出去看看红颜无事，我就放心回家。
但系红颜……唔知系唔系祸水，又或者佢爱朕爱得太深，有一日，朕正巡视江山，佢竟然忍唔住走来露台揾我。当时虎妈都不以为然，以为只是有只全身黑色，四蹄踏雪的流浪猫揾嘢食，然后仲笑住同佢讲：“你揾老虎仔呀？佢出咗去㖞。”点知佢竟然答阿妈话：“系！”
又有一次，佢挂住我，走来我屋企揾我，仲要入埋我屋企四围望。直至虎妈就话比佢知，我唔系度㖞，咁先至掉头走。从此，阿妈同老豆就开始有怀疑啦。
点知有一次我同佢拍拖散步经过屋企楼下，竟然咁啱比阿妈在露台晾衫睇到……今次真系断正啦！
有求于人要讲“唔该”
唉～从此多事啦！阿妈知道我呢个秘密之后，每次出街便会为难我，话我咁细个唔应该拍拖。佢无估到，其实朕已经打出一遍江山，并迷倒万千猫女。但朕本性专一，只有一个女朋友。
每当我嚷著要出街时，阿妈唔止要我问准佢，仲要我讲……唔该！
唉，以朕今时今日的江湖地位，竟然要朕学你哋人类嘅语言？朕又点会唔识呀 (虎妈真系无谂过猫会识讲野)，只不过，咁样有啲无面啫！唉，无办法啦，当猫有所求时，都要猫死落地行。
朕，能屈能伸，讲就讲！不过唔好话我唔愿意啦，仲要话小朋友要有礼貌！
好彩有片有真相，你哋就知我系一只几有礼貌嘅猫！朕，确是一只善良而又有礼的皇者！
【除了识讲唔该外，点击图片看老虎仔要出门的决心，也是无人能阻！】
更多老虎仔的日常生活，可追踪牠的fb专页：老虎仔 - 保加利亚雪猫 Little Tiger from Bulgaria。