【老虎仔周记】朕“老虎仔”这江湖称呼　是怎样得来的？

爱护动物无分国界，《香港01》宠物频道及其facebook专页欢迎你投稿。本文由Faith投稿，她分享了老虎仔名字的由来。

上回提到本大爷如何血拼出江湖阿大的地位 (当然不是在商场血拼，而是真的以鲜血（其他猫的鲜血） 所杀出的血路 ) 。但其实我的本性是非常善良的。一楼以下的地盘是我的 ，但其实四楼也有一只黑白色的猫，叫做 Parco，是虎爸虎妈当初抱住我四处问人有没有走失猫时所认识的。

【点击图片放大看，老虎仔平日的霸气举动】

街坊猫Parco 求救

呢只猫，以我认识嘅佢，系比较蠢，脑又生草，胆就好过冇，却要四围窜。佢成日偷走落街，但又唔识返屋企，成日来我屋企露台求救。系老豆同阿妈咁好人，先至会每次都抱佢返屋企。初时佢步入我哋屋企，阿妈都惊我会打佢，但呢种乸型猫，收佢做手下都怕会影响形象，我又点会打佢呢！我虽然已严如大佬，但对啲细嘅 (其实 Parco 年纪应该大过我)，总有仁爱之心。

一般情况下，有猫踏入我地盘，我总会怒吼一声，然后问佢，你想放低手还是放低脚？不过，既然大家是街坊街里，我哋嘅层次、实力又差咁远，我不能让人觉得我胜之不武。反之，佢每次在露台喊救命，我都会通知阿妈救佢，相信阿妈觉得我是一只很善良，会帮朋友的猫（至少此刻是）。

老虎仔唔系叫老虎仔？

我系一只既善良，又充满仁爱但又好勇斗狠的猫，但“老虎仔”这暱称又是怎样来的呢？

话说虎爸虎妈当初收养我时，都唔知我叫什么名字，佢哋只系不断用保加利亚文同我沟通，但系我都冇比反应佢哋。当时，虎妈突然想起小时候睇过一套卡通片叫“俏皮扮嘢猫”，里面那男主角，不单样子与我一样，就连性格都一样 (当然，佢唔知我已经做了江湖大佬)，所以阿妈当时叫我 Michael。但对著一个咁普通又没有男子气慨嘅名子，我当然唔比反应佢。其实我系有名㗎！！！

【就算在雪地行走，老虎仔一样威猛，点击图片放大看】

后来，阿妈观察到我头顶上有一个非常清晰的猫爪图案。当她睇完魔戒那套戏，看见那些半兽人勇士，每个出去打杖前，大王都会按手在他们额顶上印上掌纹，她终于知道，我其实是猫星的一级勇士。再加上我不断以老虎的咆哮叫声向她大叫，有一日，佢终于醒悟过来。

佢话：“你成日对住我大叫，你系有精神病定系你系一只老虎？不如以后叫你老虎仔啦，好唔好？”哼！竟然胆敢话本大爷有精神病？算！朕就饶恕你哋人类的智慧并不如猫星勇士。

从此，她便知道我名字叫老虎仔 （希望将来他们不会随著时间改口叫我老虎佬，老虎叔，老虎伯...)，而她每次叫我此名字，我都一定会有回应。

朕，姑且喺呢度告诉大家一个鲜为人知的秘密。虽然我土生土长在保加利亚，有保加利亚雪猫之称，但.......我是不懂保加利亚文的，也不懂英文，只会广东话！可能因为这个原故，我和虎妈虎爸建立了深厚的感情。我还学会了讲几句广东话，今次先卖个关子，下次再揭晓我究竟讲了什么。

【按图放大看，老虎仔闯江湖的过程】

更多老虎仔的日常生活，可追踪牠的fb专页：老虎仔 - 保加利亚雪猫 Little Tiger from Bulgaria。