【同盟】姚子羚“胡说八道”姊妹逐个讲：李施嬅好公主

要知道朋友同你熟唔熟，其实看你和他说话态度就知，㳟㳟敬敬的熟极有限，但要姚子羚讲胡说八道５位姊妹，绝对冇难度，李施嬅、胡定欣、胡杏儿、黄智雯、 胡蓓蔚，逐个讲，她说：“其实我都唔知成立咗几耐，我哋上次先倾究竟搅咗几年呢？６年啩，（有冇试过嗌交？）都有嘅，喺个group chat有时都会嘅，我哋好直嘅，其实我哋𠮶啲唔系嗌交，我哋会有咩都直接讲，好正常啫，同你最亲嘅人，讲嘢系唔驶兜圈，大家窒下，讲完就冇嘢㗎啦，“唔会话妳𠮶妆都化得唔错，但只眼就差少少....”唔会咁讲嘢，一嚟就妳条眉画好粗㖞，系freind 先会咁讲嘢。”

６人感情要好，不过姚子羚表示性格各有不同，豹嫂像是队长，当大家下不到决定，就由她话事，而她和李施嬅就是负责送花买蛋糕，她说：“我同李施嬅负责送花、买蛋糕，遇到边个朋友新铺开张呀，生日呀，咁就我同负责啰，（胡定欣有咩优点、缺点？）佢系一个好勤力，好有要求嘅演员，但有时就系太有要求喇，哈哈，佢系钟意就钟意嘅人，好清晰，但佢得意嘅，有时佢都孩子气，我送咗个Agnes公仔俾佢,佢去旅行都带住佢㗎，佢instagram成日见到，你就知道佢其实系一个好有童心嘅人。”

“杏儿系一个工作狂，佢系我哋6个之中处事最成熟，入得厨房出得厅堂嘅女人，阿豹 （胡蓓蔚)就好直率，好似一个大家姐咁，佢会主动问姚子羚呢轮点呀?佢好照顾我哋，佢试过无端端揸架车嚟接我放工，去佢屋企又会煮咖啡我饮，整牛角饱我食，系一个口硬心软嘅人，当我哋决策唔到呢,佢会冲出嚟帮我哋决定，智雯系一个儍更更嘅女仔，我哋成日笑佢㗎,好大头虾，我哋坐佢车好惊，佢揸车好惊险，但佢冇脾气㗎，百搭嘅，边个同佢出街都会好舒服，佢好就得人，Selena(李施嬅)好自己嘅，好适享受生活嘅女仔，成日觉得佢系公主嚟，但强调唔系公主病，佢好准时㗎，我意思系佢好优雅，我同佢出街最多，基本上妳问佢边间最好食，边间做spa一流，问佢就一定知。”

娱乐新闻爱以比较做标题，6位姊妹发展有不同，旁人眼中可能有高低之分，但姚子羚觉得只有互相欣赏，她说：“要比较当然同自己啦，同人比较永远唔完，应该谂我之前做得唔好㖞，系咪而家要做好啲呢？我会觉得佢哋系高榜样，杏儿、定欣点解咁成功呢？我应该系去学习佢哋，人哋成功梗有原因，可能系好勤力，好有天份，咁我应该系去学习观察再改进自己啰，（妳哋有冇为男人嗌交？）冇㖞，都冇男人点嗌呀？哈哈，唔系呀，有男人呀，𠮶个系豹哥，但我哋冇当过佢系男人，佢好好，好鬼钖我哋㗎。”