【同盟】姚子羚100磅23吋腰围减肥法：晚晚要饮一壶汤先瞓

TVB正在热播的剧集《同盟》中，与陈山聪饰演情侣的姚子羚每集都著住紧身裙，仲要同山聪有激吻场面，睇到不少网友都热血沸腾呀真系！咁又系嘅，化妆同减肥是女仔的终身事业， 子羚就话比较着重底妆，“因为皮肤唔好系好难上粉，所以日常生活中应该注重多啲内里嘅嘢，调理好身体，皮肤好就会容易上妆。”她透露首先会拣适合自己肤色的粉底,“我的眼妆比较难化，要用半小时。我都想试下现时韩国嘅裸妆。”咁点样先可以化到个靓妆？当然要先从饮食着手喇！

不要一餐食到好饱，每次食到七分饱就最好喇！

姚子羚透露在澳大利亚读书时是“肥妹仔”一名，体重试过130磅，“那时去读书好开心，乜都唔理，而且有经常食junk food（高热量低营养食物，俗称垃圾食物）。”其后就因为回港工作所以渐渐消瘦，现时只有100磅、腰围23吋嘅佢，透露减肥秘诀是少食多餐，“我一定会食早餐，同埋我习惯每朝一起身会先饮一杯暖水，然后食一些水果才食早餐。”近年她因为不想杀生和受男友同姊姊的影响而茹素，这个习惯维持了快两年，“我唔会拣肥腻嘅食物，会食好多蔬菜，而饭我会食一碗仔，尽量少食淀粉质。”

食早餐都咁有规律，咁午餐同晚餐呢？子羚笑言自己其实乜都食，“热气嘢同埋汽水都会食和饮，我觉得偶尔间食系无问题，当然唔系叫你暴饮暴食，间唔中奖励下自己。如果你lunch食少咗，咪夜晚食返多少少，但就唔好有一餐系食到好饱，每一次食到七分饱就最好喇！”拍戏拍得咁辛苦，宵夜一定少不了，子羚指食宵夜系同同事最好嘅沟通桥梁，“因为平时拍剧同事都会一边食宵夜一边倾下一阵点拍，但我嘅宵夜就系食菜，唔食油腻嘅嘢，都系果句间中食就可以。食完就一定要做运动。”连宵夜都食得咁健康，真系抵你有23吋腰！

每日返工带杯花茶傍身

而姚子羚就话自己几夜收工都要饮一壶汤才瞓觉，“其实煲汤就唔难，好多素汤都好好饮，我最钟意就系红菜头粟米萝卜汤，好清甜。同埋我每日返工都会带一杯饮品傍身，例如系花茶，红枣茶，花旗参茶。”她笑言虽然识煲汤，但就好少煲俾男友饮。除了饮得之外，运动都好重要，众所周知子羚热爱跑步，原来间唔中都会去做下Gym，但现在佢最想做嘅运动就系打拳，“因为拍《同盟》都上咗好多堂，我应该会再学，始终俾咗钱，希望唔好唔记得啲动作。”会不会同男朋友一齐跑步做Gym呢？子羚就即刻露出幸福的笑容，“佢会系屋企做运动，我嘅跑步脚多数是李施嬅同豹嫂，之前去澳大利亚拍节目仲一齐早上去跑！”各位Sis，睇完姚子羚嘅keep fit秘诀，仲唔即刻去试下？！