【开心速递】朱斐斐白做四年　演汤盈盈年轻版：俾人问演乜答唔出

在这个头年，如果你从TVB艺员训练班加入TVB，注定要跑几年闲角，或者做吓布景过吓镜。如果要有对白有角色，做处境剧算是一个好大的机会，所以现在的《爱·回家之开心速递》便成为了很多新晋演员的试场。之前讲过梁茵如何在这条路上挣扎求存，今次《香港01》找来在剧中饰演汤盈盈少年版的朱斐斐，原来她跟梁茵是同期艺员训练班毕业，这几年来一样也是历尽千辛万苦挨过来，TVB的演员路从来都不易闯。

四年时间换来了空白

入行四年，不要说角色戏份，连角色名也不是常常有，很多时也是秘书、员工、客人等等过场的名字，想拎个代表人物出嚟？唔好意思，暂时未有。不过好彩，机会就是来得这么突然，因为《爱·回家之开心速递》年青版高栢菲一角开始有人讨论，等了几年才迎来一个机会，有无曾经灰心过？斐斐说：“心灰？有时都会有㗎，不过我都好开心，一个小个角色都开始有人留意到了。由入行到有第一句对白，到有角色名有小小演份做，虽然进度系慢啲，但呢四年都系前进紧。我知道好多野要按部就班，无一步登天。我做多啲呢个层面嘅野，留意多啲前辈工作，令到我基本功扎实啲，未尝唔系件好事。”虽然只是一个戏份很少的角色，但起码叫做有人留意，罗马不是一日建成，成就也不是一朝一夕可以拥有。

“布景人物”没有代表作

有著演戏的热诚，但生活依然要继续，屋企只是一个普通家庭，TVB出了名人工低工时长，如何在理想和面包之间平衡呢？幸好斐斐想法十分长进，有多出的时间都会出去接job帮补，她说：“人工系有啲低，大约每个月7000-8000，好在屋企人无反对。但我都有系出面接job帮补下，揾多啲时对自己好啲啰，揾得少时就悭啲用，后生时唔挨下几时挨丫！我自己去casting揾嘢做丫，以前地铁唔舒服要揾职员帮手个poster就系我了。讲开呢个广告，好多人都话好似真系病左 ，啲朋友话都话见到个广告都忍唔住望下，之后有私下用个病样做emjio。就连坤哥经过地铁都忍唔住影左张相po ig讲笑话：‘咁病唔好出街，好想帮下我。’其实生活费多少对我黎讲唔系最辛苦嘅，丰俭由人啦。对我黎讲辛苦嘅系工作时间，你知我地“布景人物”工作时间长，要长时间作战状态。早到现场最迟一个拍，有时拍一个镜头，播出街几秒但就用你成日精神去换翻黎，有时剧接戏时间连住，翻屋企冲个凉时间都无。好似好多野拍咁，但亲戚朋友问起，又讲唔出拍左啲咩，果种感觉先令我觉得辛苦。”一种无奈，一种辛酸，不难感受到斐斐心中的煎熬。

“好熟口面”是你的名字

做演员最想就是得到别人的认同，如果演出来的成绩甚至连批评都得不到，因为根本没有人留意你的存在，确实是天大的悲惨。尤其是等埋位的时候，相信有不少演员的经历过这种等待。五点钟起身返厂开工，心情预备好了，戏服上身了，化妆完成了，就等待著导演叫你埋位。点知一等就等到天黑，所有准备都被时间磨蚀了，终于导演拍到这场戏份，一个杯面熟透的时间都未完，原来已经拍完。难道这不就是很多演员终身的写照吗？满腔的热诚踏入演艺圈，想尽力做好每一个角色，为自己每一处演技不足去磨练，就是等一个能够出位的机会。点知一等就系几十年，学黄子华的说话，好彩你就会等到一个角色，唔好彩？可能观众根本记不起你的名字，或者其实有个名字系记得，就系“好熟口面”。

病都要撑下去

做演员从来都会遇到很多不公平的事，看著每一个比她迟入片场，但更早拍摄完而且走埋的同事，斐斐明白到这一行便是这样：“咁果啲系主角，都无得去怨，呢个世界系好多野系唔公平嘅。以前有段时间好唔识谂，自己对自己期望好高，但能力又追唔上野心时，我令到自己情绪出现左问题，有忧郁症。又好想次次系镜前以最好状态，刻意减肥，结果就经历到由压食到暴食症，不过我知呢行好多前辈都有好大压力，好多时演员都有呢方嘅面问题。”又忧郁又暴食，有时对自己要求太高，却达到不预期，压力便跟随爆煲。有人会选择放弃，有人会选择降低要求，而斐斐则得到了这些病。一个只有25岁的演员真的要承受这么多压力吗？她说：“我就系想做到主角，拍到有代表性嘅作品。但你都见我做左四年进步缓慢，难免同人会有比较，有时会著急，会想不开。我亦都唔想枉走一条路，到最后咩都无。我系包包面果啲女仔，有时难得有大头有演做，就想做好啲，又想靓靓出镜，所以好疯狂地想自己瘦。物极必反，你越想要果样野越得唔到，我越唔俾自己食就想食嘅欲望越大，暴食症发作，垃圾食物停唔到，两磅蛋糕成个食，就连煮饭嘅糖、盐都唔放过。加上有时长期翻工，暴食可以令我减压，𠮶阵肥咗成40磅，𠮶时完全唔想见人，所以都无男朋友。暴食呢方面搞到我爸妈都好担心我，由入行前好瘦好健康女仔 变成身型反复无常时肥时瘦，呢啲又系我觉得辛苦嘅。”

睇心理医生都要睇政府

因为这个病，斐斐由一个瘦女便成小胖，更加要为此帮衬心理医生：“有睇心理医生，同我倾计，我系睇政府啲心理医生，私家太贵了，见一次都要成千几，包药最平都3千几一次。政府好平，个排期就麻烦啲，我有一次要成半年。”影后惠英红都曾经抑郁症，甚至上金像奖台前都要食药，能够克服自己、克服病魔，未来总是充满未知性，斐斐断言不会放弃，因为除了喜欢演戏外，她还有一个梦想：“应该都唔会离开呢行，一日唔放弃一日仲有机会。我都仲等紧机会，可以同我男神彭于晏一齐拍戏，到时佢做男主角，我做女主角。”一个少女始终都有少女梦，怀著梦想的人行路总会多一份决心，要不然这么多年的闲角生涯，而且挨到病，这种挫折已经会叫不少人放弃。

努力是为报答妈妈

其实当初入行就应该会知道TVB这条路一定不好行，因为见过的例子实在太多了，点解当初又会选择走这条辛苦路呢？她说：“果段时间系啱人生转捩点，又唔想继续升学，又唔想揾好正式嘅工做 。咁啱果有时参加校际戏剧比赛，都攞奖，觉得自己都可以试下呢方面，所以佢招生时，就胆粗粗地去报名。”入得TVB人工一定少，有些人可以靠家底支撑生活，但斐斐显然不是这类：“屋企系普通家庭啦，但份粮真系只可自给自足，虽然无造成佢地负担，佢地又唔反对我做呢份工。但咁大个女都无真正养得起爸妈系会唔开心，所以宜家要努力啲，将来令佢地觉得有我呢个女而自豪。”就这一份坚持已经令到不少人佩服，即使将来未必会大红大紫飞黄腾达，不过这一份经历已经足够令斐斐自豪，老土讲句，一个人无梦想同一条咸鱼有咩分别？