八和会馆主席龙贯天搞新春团拜 汪明荃唔见人：各有各忙

八和会馆主席龙贯天今日（16/2）现身尖沙咀出席《香港八和会馆甲辰年新春团拜。龙贯天受访时表示：“早前喺1月份带团去到广州同佛山做交流团。发觉当地政府系会拨地畀佢哋起一座嘅新学院，而且喺上年11月已经落成启用，当中佢哋系会保留旧有嘅建筑之外，亦会摆咗百几个档位，当中有中医同食物等，相当多选择，令我叹为观止，令我系度谂香港唔知可唔可以做得到。”

被问到有否同前八和会馆主席汪明荃（阿姐）拜年？龙贯天笑言：“间唔中嘅，因为而家各有各忙，我有我哋忙，但如果有机会见而嘅时候，一定会同佢讲恭喜发财。（阿姐仍有畀意见？）以前就会有，但而家佢就太忙，希望有机会嘅时候再问佢啲意见。”