新城营运总监马浚伟不准DJ播他的歌：我听到毛管戙

新城广播首席营运总监马浚伟和薛家燕今日（15/2）大年初六现身黄埔出席“新城广播甲辰年新春团拜暨节目巡礼”。马浚伟受访时透露自己不会参与幕前的演出，同时亦已经吩咐所有DJ不准在节目中播放他的歌曲：“点解叫佢哋唔好播我啲歌，因为我听到系会毛管戙。佢哋播家燕姐同吉吉（周吉佩）及其他歌手咪得啰。（如果有DJ唔小心播咗你啲歌会有咩惩罚？）𠮶朝我哋台长程凯欣无端端播咗《幸运就是遇到你》，跟住我就传短讯畀佢，话我听到毛管戙。（会唔会咁冇人工加？）咁又唔会，反而佢哋升咗职㖞。”

马仔续说：“嗱我真系做到，由我1月上任，话咗我哋冇裁员，我哋真系冇裁到，反而我仲请紧人。（系咪有职升，但冇人工加？）唔系㗎，有啲人有加㗎。因为有啲职位转换，而有啲就加人工。（家燕姐有冇份？）家燕姐人工已经好高㖞。”身边家燕姐望住马仔接著说：“其实佢哋自然会加俾我，唔使我出声，系咪呀？”马仔续说：“其实我嘅职位系睇到晒所有同事嘅人工，家燕姐嘅人工我系好羡慕，佢人工、名气地位都系高过我。”