【开心速递】送水辉形象搞笑入屋　许家杰一日戏变长期角色

机会是留给有准备的人，对于无线艺人许家杰来说，可谓有切身感受，还记得在5月初，许家杰在处境剧《爱．回家之开心速递》中登场，当时他饰演送水辉，虽然只得一集戏分，但他仍然落力准备，为谷出他的健硕身材及麒麟臂，拍摄前狂举5加仑水樽50次，当时他接受访问提到“做得好有机会加戏”，皇天不负有心人，送水辉一角终于在《开心速递》变成固定角色。

送水辉一角可塑性甚高，除了大大只外，剧中他还是出租男伴，吕慧仪更误会对方追求她，闹出连串笑话，本来送水辉纯粹用来推动吕慧仪跟马贯东的恋情，想不到获网民大赞角色搞笑，甚受欢迎。许家杰接受《香港01》访问，他表示正在拍摄《开心速递》，但要到106集才会出场(现时播到80集)，“处境剧系冇完全嘅坏人，咁之后会写我变返好嘅，但点解会有咁嘅发展，当然唔可以穿桥住啦。”

之前剧情说到许家杰是出租男伴，莫非当中有何苦衷，“咁又唔系㖞，剧里面讲我本身好愿意做出租男伴，只系有啲嘢改变咗我啫。(重新加入《开心速递》，剧中人是否对你充满成见？)其实只得长脚蟹(吕慧仪)、马贯东知道我真面目，当然观众都知啦，剧里面其他人就唔知嘅，都当我好细心，好识去take care人，啲女仔又好钟意我呀，而今次我又会gel晒头，造型唔同晒，成个富二代咁，监制话我今次要好斯文、好诚恳嘅。”

其实许家杰不止忙于拍摄《开心速递》，在另一出剧集《栋仁的时光》中，也会见到他的踪影，而且戏分颇重，“依家上午拍《开心速递》，夜晚开《栋仁》。(《栋仁》的角色？)我个角色系黑社会嚟嘅，叫做头七，而阿Ben(袁伟豪)佢系PR公司做嘅，我哋有一个龙头造势大会，就揾咗佢哋帮手，依家乜嘢都讲marketing㗎嘛，佢就梗系唔愿意做啦，而我哋会迫佢搞啰，都几搞笑嘅。”许家杰连孭两剧外，稍后播出的《踩过界》亦会见到他的演出，机会一浪接一浪。