周柏豪同澳大利亚模特儿撞样　激似程度被评：点睇都系本人嚟！

模特儿出身的周柏豪chok一chok就已经好型仔，近日有网民发现一个来自澳州的模特儿唔止同柏豪一样咁chok，望真啲两人仲好似样。这个名叫Paula的模特儿今年约21岁，已经入行6年，最初是化妆和fashion学生的考试模特儿，后来就开始自己寻找工作，在Facebook联络摄影师和其他艺术家拍摄。

Paula平时影相好放，曾经摆不同的表情、动作，有几张相chok chok下就唔小心变咗柏豪，好似最上面张相咁，第一眼的感觉超像，微微下垂的眼角、高高的鼻子、轻轻张开小嘴，连“比比鸟”发型都好一致。

网民见到都留言话两人激似：“ 我以为真系周柏豪”、“ 点睇都系本人黎（嚟）”、“化左（咗）妆都仲睇得出系柏豪，呃唔到我”，又有人贴上柏豪之前的卫生巾广告，笑言：“终于用得着”。