周柏豪搭飞机遇粉丝拎合照签名点算好？ “如果我瞓觉就唔好啦”
撰文： 温菁莉
出版：更新：
昨晚虽然悬挂8号风球，但仍无阻一班粉丝到奥海城支持由周柏豪及蔡卓妍主演的电影《原谅他77次》首映礼。提到近日艺人黄凯芹搭飞机时向空姐表明“唔影相、唔签名”，柏豪亦略有所闻，“其实都无乜所谓，当然如果我瞓觉就唔好啦。”他笑言每一次出埠都遇好多呢个问题，“搭飞机困着10几个钟，都少不免。如果我得闲同状态唔系唔好，我都会同佢哋影相。”柏豪咁识做，唔怪得之咁多粉丝钟意佢啦！
讲返个首映礼，阿Sa所属的公司亦全体艺人总动员到场支持，认真唔话得！包括容祖儿、阿娇、惠英红、卫诗雅、洪卓立及汤怡等。阿Sa笑言最记得拍摄电影前，疯狂打电话俾朋友，“第一个电话就系打俾老板问佢有无兴趣拍，佢话有，我就即刻打俾阿娇同Joey帮手客串。”至于拣柏豪做男主角，阿Sa指因为贪对方够红，“我同过好多男演员合，系未同过佢，同埋导演（邱礼涛）同编剧李敏都觉得呢个角色好啱佢。”