疑张致恒与债主录音爆上月返得7日工 雯雯尿片用尽求救再放飞机
踏入2024年，张致恒（Steven）和太太区燕雯（雯雯）已经因家中财务问题连上几日新闻，KOL Sean Lam爆料指张致恒已经无在情趣用品店店工作，又公开疑似Steven向债主求情的录音，又揭雯雯向网民跪求借尿片，但最终却放飞机无出现。
Steven 11月曾高调透露任职情趣用品店售货员，但原来只返工数天便疑已离职，KOL Sean Lam爆料，播出疑似Steven以哭腔向债主求情的录音︰“大哥我都同你讲过，就算我系还畀你，我都只系还到一、二千，我冇咁多钱可以还畀你。再加上我而家冇喺𠮶度返工，冇人帮我凑仔，出唔到去做嘢。我而家仲谂紧方法去揾钱，你逼我都冇用…你咪去…唉，我唔知啊，我𠮶个老细喺英国住，同呢边倒转时差，所以佢夜晚先出粮，我而家都等紧佢过钱畀我，一有我就即刻转畀你好冇？新嘅一年大家好嚟好去好冇啊？我好攰呀！”
及后Steven及雯雯分别在网上发文，Steven自爆上月只返了7日工，加上之前曾借粮，因此没人工出，他说︰“我想喺度澄清番，我打工嘅公司从来都冇欠薪，只系我同我嘅朋友沟通上有问题，所以误会咗我冇粮出，因为上个月我同啲仔一齐病咗成个月，所以净系返咗七日工，七日工有几千蚊，但系因为本身老细预支咗钱畀我，所以每个月我都要出粮扣钱，所以今个月冇粮出。就系咁简单。”
雯雯亦在限时动态发声，指曾建议“每星期还钱，但对方唔接受”，又呻：“如果卖惨解决到问题，我就唔洗咁癫、成日要发泄，的确系有好多妈妈帮过我，但我亦有还，新一年，我亦已经逐步解决紧问题。我都希望能够可以一时三刻能够解决哂。不段（断）去评论嘅人，除非你帮过我，如果唔系你冇资格! 如果你希望逼死一个人，你就继续!”Sean在5号又再爆料，指雯雯用尽家中尿片网上求救，指三名儿子都用加加大尿片一块不剩，网民本指自己要照顾小朋友无法外出，最终心软出外交收，苦等半个钟却被雯雯放飞机。