雯雯闹爆张致恒懒理两子肚饿 学唔成吴浩康 ：瞓觉唔读平安卡
撰文： 钟路淂
出版：更新：
入行多年的吴浩康，最近到地盘打工赚钱养家，获全城盛赞是真男人！而旧公司同事张致恒（Steven）生活拮据多次呻财困，却未有揾份长工。张致恒太太区燕雯（雯雯）1月2日又再出Post控诉Steven由得儿子挨饿，亦无法学吴浩康打地盘工：“为咗瞓觉自己唔去读个平安卡。”
婚后诞下4名儿子，雯雯近年被封离婚界KOL，三不五时就会网上发火。元旦日雯雯刚上载细仔100日庆祝活动片，1月2日又连发3个限时动态，黑底白字控诉：“点解呢个世界可以有啲咁样嘅人？个仔发高烧不停喊，我喺度𠱁。出面两个仔肚饿够胆死话冇钱，所以冇处理。大佬，你唔识煮嘢㗎？为咗瞓觉自己唔去读个平安卡都算，个仔一开学就唔带佢返学，其实你究竟想点样？！我又可以点样？”
明知外界反应，雯雯依旧选择在社交网发泄：“个个净系识话我发癫，净系识话我拎晒啲家事出嚟。咁又有冇谂过我咁多年经历紧啲乜嘢？”又指离婚其实很简单，但4名儿子去向才是她所重视：“咁系咪我净系要两个小朋友？咁另外两个小朋友又点呢？如果畀佢死得啦我能力只可以照顾到两个。咁请问另外两个又可以点样？真系送去啲机构？个个都话我成日净系识嗌离婚，但系做唔到咁你又可唔可以教吓我小朋友点呢？送去保良局？”亦呼吁不想睇到她消息的人可以Unfollow。
点击睇雯雯IG STORY留言：