【奇妙电视】妹头脱离球彩唔舍得　爆阿泽大镬：嬲到好似小朋友咁

卢颂恩（妹头）之前讲过杜汶泽好钟意讲咸湿笑话，而且表面又衰衰格格咁，不过其实对人十分之好。其实除了表面之外，阿泽原来做事都十分认真，唔会草草交货，如果自己煮出来的食物未达标准，绝对不会靠做马，拎第二个制成品出来畀嘉宾食。其实这种态度系做饮食节目的正确想法，饮食节目并不是一味靠外在，实力都好重要！

妹头在接受《香港01》访问时，就讲到有一次阿泽对自己成品唔满意，所以决定重头又拍过：“佢就觉得自己最拿手系整面包布丁，佢觉得系最好食嘅面包布丁，好有自信架，点知就整衰咗。佢就话因为个焗炉唔系自己用开，咁系真嘅，因为真系第一次用𠮶个炉。整完之后一啲都唔挺身，入面就淋晒咁，之后佢好嬲自己，嬲到好似成个细路仔咁无晒心机，跟住就话唔好拍喇，下次再拍过，结果全世界即刻可以收工。不过佢之后整第二次，系空前咁成功，全组人都话好好食，两分钟就食晒，连嘉宾都畀10分。”

至于日后的工作，妹头指自己基本上已经离开球彩台，并表示十分不舍，她说：“唔舍得球彩台呢个成长地啦，因为我一个女仔唔识波，跟住之后四五年系咁学，讲好多足球术语，讲到就算连做live都唔会再惊。仲要之后劲钟意做live，因为正常嘅主持都会惊做live架嘛，但系而家我最钟意就做live，因为最即兴、最真诚情，同埋最正系睇到个主持有冇价值。球彩同啲观众好互动，佢地对我地都好好，成日都会买嘢俾我地食，仲试过专登喺阿仙奴买纪念品俾我，佢地真系超好！我知高登俾咗个啅号我叫“大波女神”，因为我讲亲嘅赛事都好多波入，我自己都人５个统计系真，都揾到少少成功感架。内地啲球迷仲夸张，直头当我神咁拜，话一定会追住我嚟睇，连温书都叫我send句加油俾佢。”公司希望她脱离球彩，所以向综艺节目进发，她认为自己是一个比较“放”的主持，尤其系阿泽呢类节目就啱晒佢。