专访｜东东首拍剧同男友演情侣　唔似剧中痴心MK妹：我独立好多

最初认识郭东彩（东东）这个女孩，是在Zpecial的《深夜告别练习》MV，她跟男主角焯岚在深夜的香港踩板，观众大赞浪漫，也有不少留言赞东东靓女，可谓崭露头角。一年后，她参加《全民造星IV》，却早早认清自己不是爱跳唱的女团人选，自荐入“死亡名单”提早淘汰。《造星IV》结束近两年，东东再次亮相ViuTV，不过是以演员身份，回望当时的决定，她这刻又如何评价？
化妆：Tammy Au（@tammyau_makeup）
发型：Taurus Lee（@tauruslee_）
服装：HER（@ _her.official_）
鞋履：Camper（@camper）
场地：The Stadium bar & restaurant

同男友分开Casting　非特登安排演情侣

东东近日参与ViuTV剧集《那年盛夏我们绽放如花》，来到结局篇，她是班上仅存的两位女学生之一，剧集播放初期戏分不多，却已成功吸引网民注意，说很期待东东的场口。由《深夜告别练习》开始，到签公司、拍剧，东东都经常跟男朋友焯岚情侣档上阵，今次剧中两人演活一对MK情侣Crystal与洪诺言，问到剧组是否一早属于两人演情侣，东东却否认：“系先联络公司叫我哋去Casting，我哋系分开cast嘅，对手都系一个唔识嘅人。一开始好似冇指明我哋做情侣，去到Second casting嘅时候，我哋会有啲练习或者即场有啲嘢要我哋做，导演同导师再分配，觉得我哋适合咩角色就分配畀我哋，但最后都觉得我哋喺戏里面系适合做情侣。”

原来东东都曾Cast过邱彦筒（Marf）饰演的女主角杨悦盈，但最终还是获分配Crystal一角，她形容角色对男朋友十分痴心，“佢讲咩都会听，只系想跟住佢，只要佢肯接受我、肯爱我就够。”不过东东就表示现实中的自己独立过Crystal好多，不喜欢跟随人、亦很清楚自己想点。她自认性格较慢热寡言，不认识她的人可能会认为她难以亲近、不苟言笑，但纯粹是觉得自己上镜笑得不好看而已，“一有镜头影到我笑就好奇怪，有时我冇表情啲人会觉得我系咪有心事，但系我只系好正常嘅状态。由细到大都系咁，成日俾人误会，不过识落会觉得我原来OK。”

性格慢热内向　靠男友助燃融入新环境

对慢热的东东来说，同男朋友拍剧不但更易入戏，一个眼神已经知道有什么需要配合或调节，而外向的焯岚亦是她融入新环境的助燃剂，她说：“自己一个系难啲，佢系一个好好嘅助燃剂，同佢一齐系令我打开咗自己好多，我会观察佢点样同人相处，再应用返喺自己同其他人相处度。”讲到两人相识经过，也全靠焯岚够厚面皮，相识一个礼拜就拍拖了，“缘份令我哋走近，纯粹喺朋友聚会佢见到我想认识我，之后就约咗出嚟食饭。（你算唔算难追？）我唔难追，感觉自己冇乜异性缘，大家都觉得我好难接近，所以冇乜男仔会想接近我。”

两人拍拖之后，焯岚教识东东踩板，而她当时根本没想过踩板居然带挈她这么多工作机会，甚至因而被Kevinboy（KB）相中入行，“《深夜告别练习》𠮶阵都未签公司，系KB有次喺Social Media见到我系踩滑板，觉得女仔踩滑板仲有纹身好特别，想召集一班同佢好类似、钟意玩、比较小众又有自己想做嘅嘢嘅人，发掘佢哋会唔会有更加多机会。”东东坦言自己个性很“折”和低调，以往从未想过要做艺人、见大场面，不过对于KB的邀请却丝毫没有犹豫，“Model公司咋嘛，都系影吓相，系估唔到会去埋其他平台。”

无悔唔玩女团　日后继续做Slasher唔放弃美甲师工作

所指的“其他平台”，便是参加真人骚《造星IV》，东东虽然早知自己不是唱歌跳舞的材料，却欣然接受了这个挑战，“我净系会喺呢个世界生存一次，反正我本身贪玩底，咪试吓玩下其他嘢，增加自己嘅人生历练。输咗咪输咗，我参加又唔系为咗啲咩，纯粹想吸收经验、睇多啲嘢。”去到节目的三十强阶段，Fans愈储愈多的东东却表示自知非女团料子，自荐入“死亡名单”，留位给其他参加者追梦，问到两年过去如何评价当日这个决定，东东说：“都觉得系啱，同埋冇后悔自己当初嘅决定。（唔钟意唱歌跳舞，咁拍剧呢？）唔好话啱唔啱，系钟唔钟意，睇你会唔会好投入喺件事里面，我都钟意拍剧。”

拍《那年盛夏我们绽放如花》，对东东而言是好玩的体验，其中一场与焯岚互掴和掐颈的戏码，她更形容是毕生难忘。不过对于会否全职做演员，目前身为“Slasher”（斜杠族）的东东，就指自己对事业方向从来都抱顺其自然的心态，有机会就尽力做，“美甲、踩板、拍剧我都会做，有机会会想挑战拍电影，任何类型都欢迎！”

按图睇更多东东专访靓相：