去边啊Do姐｜郑裕玲爆林家谦系色魔：佢话要同我一齐浸温泉

郑裕玲（Do姐）早前与五位新生代男艺人林家谦、洪嘉豪、应智越（细猫）、Tyson Yoshi（程浚彦）及魏浚笙（Jeffrey）为HOY TV拍摄旅游节目《去边啊Do姐》，节目将于下周一（9月4日）首播，今日六位就出席节目记者会，Do姐在活动上逐一评价5位旅伴，其中竟提到家谦是“色魔”！

Do姐说Tyson精打细算，食嘢计过度过，食量比自己还少；嘉豪则是Free rider，好多地方都冇去过，乜都Say yes；而家谦居然被Do姐形容为“色狼”，Do姐指他无厘正经：“你唔好睇佢谦谦君子咁，佢成日问可唔可以同你一间房，浸温泉又话我哋系咪一齐浸，我睬佢都傻。”而Jeffrey虽然常常否定Do姐，但说话好像哲学家，适合深度游；细猫则是暖男，又充当翻译角色。

Do姐分享自己去阿尔卑斯山山顶，以及Me time游新加坡都十分难忘，而活动结束后，Do姐跟嘉豪、细猫受访，赞几位很尊敬自己，开心对方答应自己邀请，说：“都要你肯嚟先得嘅！”嘉豪闻言即回答：“哗好难答呀呢个访问，多谢邀请我哋，咁梗系赴汤蹈火啦！”Do姐与嘉豪的行程较密集，欧游搭车动辄三、四小时，笑说：“倾心事都倾晒，后尾唔倾啦！”问嘉豪有什么心事，他指是人生课题，但自己坐车都坐到断片，已经没什么记忆。

已有好一段时间冇拍旅游节目的Do姐，认为今次跟以前最不同的，是以前好兴主持人要分上、下靶，但今次全部人与她平等，大家一齐去旅行，是彼此的旅伴，更问嘉豪：“讲！我有冇恰过你？”嘉豪则说：“冇！一定冇！”被问五位男生中，有没有哪位最令Do姐呕血，她思考一会后答：“Jeffrey啦，原来佢嘅口头禅系‘唔系’，讲乜都话唔系，但又唔系真系mean‘唔系’，只不过系口头禅。”

其后家谦、Jeffrey跟Tyson受访，讲到家谦被Do姐说是色魔，Tyson连番附和：“系呀！系呀！”家谦则搞烂Gag说：“我系Sick魔啫，成日病。（家谦好大胆，话同Do姐浸温泉！）浸温泉我都冇话点浸，分开房浸都得，有时唔一定要同一个空间浸，我哋睇手机都分开一齐睇，疫情之后嘅世界就系咁。”

Tyson被Do姐指为了保持身材，食嘢都要计住就住，他透露：“有一日我见到话要食斋，跟住我呆咗，心入面爆咗句粗，我本身谂住好啦，为咗节目今日豁出去食好嘢，点知去到......食斋？OK。”Tyson自爆节目组事前叮嘱他尽量少讲粗口，家谦即窒他：“你唔爆粗冇嘢讲㗎喇㖞。”Tyson都承认：“冇得讲粗口我冇嘢讲，冇得好爽快咁表达，冇咗七成我要讲嘅情绪。”

按图睇更多活动花絮：