Winka剖白负评介意人品被误解　Candy Ivy因张敬轩演唱会失准泪崩

女团COLLAR出道以来偶然都会有负评，除了针对她们的实力，也会批评个别成员的外表、年纪等等，近日她们在综艺节目《全日制COLLAR学院》中，剖白面对负评的心情，包括陈泳伽（Winka）被嘲似达达星人、芯駖年纪大等，而其中王家晴（Candy）、苏雅琳（Ivy）忆起在张敬轩演唱会做嘉宾时失准遭围骂时，就再度痛哭，Candy说最难过的不是被批唱得差，而是另一句话。

5位成员Winka、Candy、Ivy、许轶（Day）和邱彦筒（Marf）去到一间怪兽为主题的餐厅，里面有被指同出道时Winka似样的“达达星人”，之后Winka讲到对被嘲似达达的感受，“有时连我Fans club都仲讲紧呢样嘢，我好似冇公开讲过，我一开始唔介意，但系大家讲太耐我会觉得有啲多咗，太多。”她最初都觉得自己出道张相几似达达，亦明白大家不是恶意批评，但后来会觉得这样会影响了她的发展，因为广告商不会想找个似达达的人卖广告。

不过，原来Winka最在意的不是被取笑同达达撞样，而是被攻击人品，她表示：“我一直以来都觉得我做人对得住良心，我自己道德上好有要求，我唔会话自己系超好嘅人，但系你哋同我相处之后，起码会觉得我系直接、坦诚、坦白嘅人，我唔钟意玩心计或者伤害人，但系好多时我讲完出嚟嘅嘢会俾人扭曲，呢样嘢对我嚟讲最Hurt。”她觉得自己有如食柠檬，因为她放真心出来对人，但似乎对方并不需要，这会让她思考以后是否需要再放真实的自己出来，会开始有包袱。

至于Candy，她最初说自己冇特别记住负评，但后来却突然爆喊，COLLAR去年5月担任《张敬轩THE NEXT 20 演唱会》第13场演唱会嘉宾，Candy本身是张敬轩忠粉，但最终她们唱《Call My Name!》的表现被批走音及未如理想，当中Ivy和Candy大声喊歌词遭狠批嗌歌、未够班等。

Candy回忆起这件事，说自己最在意的一个留言不是批评她唱得不好，她痛哭说：“佢话我作为张敬轩fans都冇资格做，话你喺人哋𠮶台搞成咁。我唔开心个位唔系我做得唔好，因为我已经Recovery咗做得唔好嘅遗憾，但系我仍然好愧疚同内疚我影响咗人哋，因为我知道佢（张敬轩）系一个好重视舞台每一个表演嘅人，佢咁难得畀个机会我哋，但系我作为佢fans，犯咗咁严重嘅失误，我就觉得好内疚。”

当她提到自己有一段时间很怕再唱《Call My Name!》，Ivy亦不禁泪崩，直认有阴影。但Marf此刻却很冷静地安慰两位队友，她谓：“张敬轩畀咗个咁好嘅台我哋去犯错，最大嘅课堂就系偶像畀机会，佢呵护住我哋，好过喺人哋脚底发生。”Ivy指隔了很久之后，有次又要跳唱《Call My Name!》，Candy还走过来说：“我哋今次要做好佢，今次要好好睇睇！”

Marf直认自己对队友的在乎比想像中大，当听到人取笑其队友，内心很不好受，Ivy也同意，指每当身边有朋友说队友不是，她会说：“点解够胆咁讲我啲队友，我打你㗎！”虽然听落似讲笑，但其实她是认真觉得不好。Day则很不愤有人误解Marf心地差、被误会臭串等等，她说：“我最Care人哋话睇佢个样就知佢性格差，因为我知我队友唔系咁嘅人，佢本人系太善良，善良到被攻击。”

之后Marf就讲到每次练习或彩排，总有成员会“爆”或情绪失控，惟独芯駖从未会在工作期间崩溃，不过她们都觉得芯駖心底里可能会介意被批年纪大，还心痛她自嘲，她们说：“我Feel到佢对年纪有啲介意，成日讲笑咁讲话‘你哋咁细个唔使啦！’、‘使乜补身呀？’、‘我啲骨都就嚟断’。”又担心她因为觉得自己年纪稍大，故必须表现得更成熟，才不敢在工作时表露私人情绪。