专访｜COLLAR唔觉休团声势减弱 认队友离团唔惯：今朝仲讲错8个人
不少观众由《全民造星IV》开始睇住COLLAR成军，挟住“MIRROR师妹”之名，尚未正式出道时，女团队名、成员人数和名单全部备受瞩目，户外记招《HOLD YOUR BREATH》举行前一晚，有人去偷望场地LED版，想率先知道除了三甲之外还有哪位入团。结果八女一登场即获大牌子赞助服饰，拿下多个广告，半年间推出4首歌，对于久未出过女团的香港乐坛，绝对是新冲击！
然而，这一年半COLLAR不算十分顺利，出道半年即休团几个月，随后经历负评、成员退团等风波，7位队员沉淀过后得出的领悟，靠一首《idc》总结。
场地：香港康得思酒店 Cordis, Hong Kong
形象：Daniel Cheung、Chesney Lau
服装：Dickies & Farfetch
鞋履：Dr Martens
眼镜：Puyi Optical
化妆： San Chan、Kineks ho、Cathy Zhang、Jenny Fung、Percy Shing、Janice Wong
发型：Taurus Lee、Kristy Cheng
队员8变7 Marf：话冇迷失就呃你
女团在韩国做得起，来到香港却不然，香港对上一队你讲得出名的女团，似乎已经数到十年前，COLLAR的出现对市场来说有如“久旱逢甘露”，观众有份投票选出心仪成员，加上承接住MIRROR之势，赢在起跑线，风头可谓一时无两。惟《OFF/ON》推出后不久，COLLAR即短暂休团数月，成员只个别或小组活动，至今年初才再度人齐现身《叱咤》颁奖礼及音乐节。到最后，短暂归队的苏芷晴（So Ching）深思熟虑完还是选择退出，COLLAR从此变成7人女团。
今次是COLLAR首度以7人姿态出新歌和做专访，苏雅琳（Ivy）、李芯駖、王家晴（Candy）、陈泳伽（Winka）、邱彦筒（Marf）、许轶（Day）和沈贞巧（Gao）推出全新团歌《idc》（I don't care），面对巨变，Marf说：“话冇迷失就一定呃你。”队长Gao也直认“8变7”的确要时间适应：“会有唔惯嘅，排舞少咗个人，啲Pattern唔同咗，我今朝都仲讲错咗我哋系8个人，呢啲习惯咗嘅嘢。但系记返清楚最本质𠮶样嘢就系要舒服呀嘛，自己舒服先可以继续去享受生活。譬如跳舞咁样，我见到佢（So Ching）跳舞好好睇、好开心，其实我都好开心。”
休团后不觉泄咗道气 反而更相信自己
讲到休团过后好像“泄咗道气”，外间又常常将COLLAR与Lolly Talk等其他女团比较，她们势头似乎比成团时减弱了，阿Gao却不同意：“我Feel到我哋状态强壮咗、Firm咗好多，一来自在咗，Overcome咗一啲入面要解决嘅心结或者想法，再加上我哋真系好想快啲表演，对舞台嘅渴求……种种加埋都令我哋再强大咗。”
芯駖根本冇思考过COLLAR红或不红，因为团员从来只是追求对唱歌、跳舞、演戏的热诚，只要自己保持热爱就足够。阿Gao则说除了7位团员间，幕后团队亦大大增强了她们的信心，“佢哋全部畀到个能量好强，我哋默契同合拍程度愈来愈高，令我更加确信一样嘢，就系我哋唔会唔得！”Winka附和：“当你真系见到你团队对你嘅信任同喜爱系咁强嘅时候，你好难冇自信咁行出嚟，我哋有个好爱自己嘅团队，所以我哋会可以！”
学识不理会负评 听自己声音就够
近月讨论区有关COLLAR的贴文，负评可说是不少，见得最多的留言就是“几时炒咗个造型师？”但睇睇她们不同场合的服装、化妆Credit，负责的都是行内有名气的团队，再加上今次新歌更找来日本当红女团XG的排舞师RENAN帮手编舞，明显有野心不是Hea做。问7位会否觉得有时网民为闹而闹，又或是对作品见街后的负评始终不及，Day表示：“都有自己质疑自己，所以呢首歌都系同所有人讲返，同埋鼓励自己‘idc’，你唔钟意我哋点解要理咁多我哋？大家谂法都唔同。呢首歌都系讲自己要Focus自己做嘅嘢，超越自己，唔好咁介意人哋。”
芯駖一向很少睇负评，她“idc”的不是大家的意见，而是不好的能量，因为键盘战士打几只字实在太方便了，她直言：“做任何嘢都有人钟意、有人唔钟意，唔系净系做艺人。你做任何一个行为，都有人觉得你应该咁、唔应该咁，有十把声，系咪一定要全部都听晒呢？有时系可以唔听，净系听返自己把声，呢个唔系净系for Haters。”
Winka是非缠身后更大爱：Haters可能都经历紧难关
Winka早前因分手、“Pre-拍拖”等言论惹来网民批评，但经历连串是非后，她反而学会体谅Haters，并说：“我哋做呢个行业就系要好大爱，要不停放啲好嘅Energy出嚟，我哋个工作系感染人哋㗎嘛，如果听得太多表面嘅Bad energy，好难将佢转化为爱再放返出去。所以我最近有个新嘅转化，就系唔好Focus on佢哋讲𠮶样嘢嘅表面，可能佢哋都有好多好Tough嘅嘢经历紧，唔好太放上心，呢个都系I don’t care嘅表现。（即系硬食负评？）唔系硬食，系转化，我经历过唔同嘅是非，自己会得到呢一种领悟！”