Nathan全民造星5｜分手仍向女友借钱 再要求删除IG所有拍拖证据
ViuTV《全民造星5》10强参赛者Nathan（魏念恩）女友Jessie，5月于葵涌石篱邨堕楼身亡，Nathan亦有现身灵堂送别已故女友，但未曾揭露分手内情。此后网上传出Jessie生前疑不满男友工作繁忙，分身不暇而情绪受困，又流传各种家属说法，谣言满天飞。
家属望Jessie不再被谣言伤害
Jessie家属今接受《香港01》独家访问时表示，今次是他们首度回应事件：“由事发到而家，网上同新闻报道上面，大家都好多谣传，话家属发表过唔同嘅讲话，其实想澄清返，𠮶啲全部都系谣言。今次系我哋家属第一次讲话，想澄清返网上谣言，等大家知道成件事系发生紧咩事，同埋唔想再有任何人用言语去伤害Jessie。”
Jessie手机揭悲剧内情
Jessie家属透露，Jessie轻生后取回其电话，发现Jessie电话未设有密码锁，翻查Jessie与Nathan的对话内容后才揭分手内情，家属表示：“事发到而家当时我哋无怪责过任何人，剩系觉得双方系处理感情问题入面唔妥当而发生呢个悲剧，就算案发当日，Nathan喺现场，啲差人问我哋需唔需要同Nathan讲啲咩嘢，我哋都拒绝咗，因为我哋觉得冇乜需要讲，或者要怪责任何人，直至我哋攞返Jessie个电话，而佢个电话不嬲有密码，佢临走前系Unlock哂所有嘢，然之后喺电话发现Nathan对佢做过一啲好难以接受嘅嘢......”
家属透露从对话内容发现，Nathan在拍拖期间已多次向Jessie借钱，Nathan在5月6日凌晨向Jessie提出分开一段时间，想专心比赛，而分开后仍多次向Jessie借钱，数目由几百至一千不等。直至5月17日，Nathan突然要求Jessie删除Instagram上所有有他的照片，并提出分手。及后女方多次致电Nathan，更到昔日爱巢拍门，希望再次见到Nathan，警方翻查CCTV之后向Jessie家属表示，当时Jessie只是轻声拍门与按门铃，并没有传言所说上门大吵大闹，而警方亦表示当时Nathan在屋内，可惜Jessie得不到任何回应，最后同日堕楼轻生。
受访者：Jessie阿姨
问：当晚Nathan和Jessie分手后，你们已即时知道情况吗？
答：冇㗎，佢有同朋友讲同Nathan嗌交，Nathan赶咗佢走啰。
问：佢哋分手后，你知道他们有揾返对方吗？
答：根据Nathan用字“冷静期间”啦，冷静期间佢哋双方都有揾大家，但Nathan多数揾Jessie就系问Jessie攞钱啰。
问：根据消息，是借了300蚊吗？
答：好多次呀，湿湿碎碎，一千、二百又有、五百又有。
问：多次问佢攞钱？
答：系呀，因为太多啦，我冇逐一去计，我睇到5月头，到Jessie走𠮶一刻，都大概有几千蚊啰。
问：最多𠮶次系几多钱？
答：佢每一次都唔系好大数目㗎，都系一千一千咁样。
问：Nathan借钱有冇讲咩原因？
答：冇㗎，就系惯性咁一句话我想要几多钱咁样啰。而Jessie都唔会问咩原因，佢问Jessie咪畀啰。
点击睇Nathan 5月9日至5月14日借钱对话纪录，当中在5月14日（图3.图4）Nathan向Jessie借一千蚊，当时Jessie立即答应，之后Jessie在录音表示想见一见Nathan ，Nathan即刻以好忙为由拒绝。
女友Jessie精神及财政上无限量支持Nathan:
Jessie的阿姨更想为她澄清，网上有些言论指Jessie不支持Nathan参加《全民造星5》，但实则Jessie百分百支持男友追梦，她说：“Jessie一直以嚟都好支持佢参赛，当初亦系Jessie鼓励佢去报名，然之后Nathan出席公开场合，都系Jessie帮佢化妆同set头，一路以嚟无论系金钱上，精神上同埋生活上都百分百支持佢，仲有佢入咗《造星》之后好忙，成日做到好夜先返嚟，去到半夜三更都系Jessie一个人等佢，就系为咗要见佢，情人节、生日，咩节日都好，佢都冇陪过Jessie，但佢一句怨言都冇，佢一心只想Nathan可以成功出道，佢真系只系为咗佢一个人。”
Nathan拍拖期间已多次问Jessie借钱，连100蚊都要问女友借
全民造星5总决赛得奖名单
ViuTV真人选秀节目《全民造星5》16日在九展举行总决赛，香港01为你提供完整得奖名单。而大热Lyman Heung在表演最后，更有手语的出现，原来Lyman有...详情请看。
Nathan被爆出黑历史
早前Nathan已故女友家属接受《香港01》独家访问时，透露Nathan在拍拖期间已多次向Jessie借钱，分手后仍向女友借钱再要求删除IG所有拍拖证据，详情请看借钱对话纪录及录音。比赛前约半小时，Nathan突然在IG Story宣布退赛，详情请看。