东呃西骗｜叶俙贤被朋友利诱投资险堕入骗局：执番身彩

网红Amber（叶俙贤）今日（30/5）现身荃湾出席HOY TV全新节目《东呃西骗》拜神仪式。Amber表示：“其实讲开骗案，自己都差啲信错朋友，堕落投资骗局。事源有次有个识咗半年嘅男性朋友，叫我攞10万现金投资佢间美容院，仲话俾2.5%公司股份我，仲带埋我上佢𠮶间美容院睇，我睇完之后都心郁郁，于是就问佢有冇投资文件合同俾我，佢就话冇，仲话唔使搞到咁复杂，直接俾钱佢就得。之后我返去同屋企人反映，佢哋就话一定系个骗局嚟，叫我唔好俾钱佢，就系咁最后我入股到，之后听返其他人讲，佢成日都叫人投资，收咗钱之后，就会用各种理由话公司蚀钱冇晒，庆幸自己冇损失到执番身彩。”