赖彦妤520越南旅行有艳遇　获韩仔埋身搭讪：激似李敏镐

《娱乐新闻台》靓女主持赖彦妤（Vivienna )上星期难得有几日假期，便约埋几位好姊妹一同飞往越南，实行来过闪快3日游，除了食尽当地味食之余，更不少得解开束缚，穿上性感比坚尼落水同阳光玩游戏，亦不忘在社交平台大派福利照同网民分享：“咁啱520就同闺蜜组团去越南，去起程之前有朋友都提醒我哋要小心安全，因为当地多抢劫案发生。不过去到当地就冇发生不愉快事件，反而系经历惊险场面，就系当地马路比较多车同道路复杂，私家车电单车在马路上穿插 ，车与车距离只有几cm ，所以每次搭车都好惊险。另外，当地原来都好多韩国人去，试过行行吓街，有个激似李敏镐嘅韩仔埋身撘讪，佢话自己做摄影师，仲帮我影咗唔少相，自己都估唔到去到外地就会特别容易旺桃花，睇嚟要去多啲旅行。”