公益金｜陈美龄前辈上身教谭嘉仪摆款唱歌筹款:系开心多过压力
撰文： 吴子生
出版：更新：
陈美龄和谭嘉仪今日（29/5）现身尖沙咀出席《万众同心公益金》记者会。提到二人首次合作同台演唱为慈善筹款，谭嘉仪表示感到十分荣幸：“其实之前我喺无线音乐节目《流行经典50年》，我系有同美龄姐姐佢见过面，但𠮶次就冇机会合作，但今次能够有机会同佢合唱，系开心多过压力嘅。”而陈美龄笑指每逢上台一定会摆款唱歌：“因为今次我哋唱呢首歌系黄沾嘅作品《珍珠泪》，变咗唱呢首歌嘅时候会有造手，咁所以我同嘉仪佢已经夹好点样系大家面前摆款唱歌，造手系点样，而家唔话得俾大家知住，到时筹款当晚大家睇嘅时候就会知。”