全民造星5｜陈蕾出茅招抢人惹不满？陈子丰：次次咁会变得好难睇
撰文： 林得懿
出版：更新：
《全民造星5》昨晚（25日）播毕后，ViuTV艺人陈子丰喺限时动态发文，矛头直指陈蕾为抢人而不惜出茅招：“呢几年，我一直都有听妳的歌，会因为妳得奖而在心中暗暗高兴。但……公平公正喺比赛中真系好重要，骚扰别人从而得到你想抢嘅人，玩一两次可以，但次次有妳想要嘅人就咁做，就会变得好难睇。
“从来无怀疑妳嘅人格，但呢个show对妳嚟讲都系一个真人show嚟㗎……如果我系对面嘅人，我讲咗粗口行出间房好耐，佩服𠮶两位咁Nice嘅人。”
昨晚99号嘅KC一出场，陈蕾已经同冯允谦讲“你都好多正嘢啦”，不过就被对方反指：“你偷咗Nathan （2号魏念恩）”。 KC表演开始，大家都睇得十分肉紧，陈蕾更出位企图遮挡韦罗莎视线，说时迟那时快，两盏蓝灯亮起，韦罗莎似乎已感到抢人失败，即时黑面，而冯允谦就指住陈蕾大叫“奸茅”。
陈子丰出PO后，有网民在讨论区指因为陈蕾频出茅招而对她好感度大减，但唔少网民都认为是节目效果，4位导师一定事前有夹过；亦有人认为如果每位导师都好似冯允谦咁认真，节目一定闷到喊；亦有网民认为蓝组为抢而抢，似乎冇谂过学员之间嘅可行与合拍性。