Nathan全民造星5大热终登场　忆述与亡母片段瞬即哭成泪人

今晚（22日）播出嘅《造星5》，先后有 7位参赛者出现，当中有包括2号Nathan、42号Moley、33号Anson Au、70号Maico、67号楚政、10号路飞和79号KaKit。当中有3位跌入复活区，暂时仲未有人出局 。

2嘅魏念恩（Nathan ）曾经喺记者会上透露自己“有所经历”，今晚喺节目中，佢透露自小在单亲家庭长大，仲因为自觉读书唔重要所以成日逃学，由11岁开始，辗转去过唔同嘅寄养家庭，Nathan更以“物件”形容自己。

节目中，一讲到同妈妈嘅关系，Nathan已经开始眼湿湿，他指自己就算喺寄养家庭逃走，都系会去揾妈妈。“我哋关系好紧密，同佢其实系好爱对方，但因为时间、地点、事情影响，我哋无法好好表达更好。”回想两母子最开心嘅画面时，Nathan瞬间流下男儿泪，原因系妈妈患癌，他认为自己未能尽做仔嘅责任，言语间充满无限嘅遗憾 ，而佢参加《造星》系希望以音乐去治愈同妈妈有相同经历嘅人。

Nathan表演项目系自弹自唱，一曲《下一束光》令佢顺利获三盏灯入红组。身为大热嘅Nathan，上星期惊传其女友坠楼身亡，其IG头象其后亦变成黑图，如今节目照样播出Nathan参赛片段，似乎未有如网民所猜“退赛”。