蔡宛珊自爆唔识游水照飞垦丁滑水 孖纹身师男友玩4日快闪
撰文： 吴子生
出版：更新：
蔡宛珊（Sarika）今日（6/5）现身湾仔出席嘉年华开幕礼。拥有一身健康肤色又热爱水上运动的Sarika，趁夏日来临，透露明天和纹身师男友Dust Wu（胡仔）及一班好友一齐飞往台湾垦丁滑水渡假。
蔡宛珊表示今次都系抽少少时间过去玩4日快闪，因为自己都有工作在身，变咗唔可以玩得太耐。“今次都系我第一次到垦丁，过往从来都未去过，咁所以都唔知𠮶度嘅浪会有几劲。不过唔讲大家都唔知，其实我系唔识得游水㗎。但每到夏天，大家总会见到我喺个海度，好多朋友都成日笑我，唔识游水都学人玩水上运动，真胆大包天，哈哈。讲真我都觉得自己都几大胆㗎，不过嚟近我嘅首要任务就系要学游水，希望今年会学识啦。”