孔德贤首次拍住汪明荃做司仪即获加持：佢讲嘢好流利

汪明荃(阿姐）和孔德贤（Danny)今晚（5/5）现身将军澳电视城为《第三届儿童及青少年粤剧折子戏大赛担任大会司仪。阿姐受访时就大赞Danny靓仔之余亦口才了得，是做司仪必备的条件。Danny接著说：“其实同阿姐做司仪今次系第一次，点都会有压力。虽然之前我同佢喺《娱乐大家》就合作过，要真真正正一对一咁合作就真系第一次。喺彩排度阿姐对我真系好好，因为佢唔单止唔系对完就算，仲会教返我粤剧嘅故事，因为佢知道我系初哥，希望我容易入脑，又容易表达得好啲。”

此外，Danny透露有意向阿姐拜师学粤剧曲。阿姐笑言：“其实我见佢系好有兴趣，但我唔知你资质去度边㖞，你讲嘢就好流利。”Danny表示：“其实我都唔知自己有冇咁嘅天份，但首先我就觉得要入咗剧场睇场戏先，无论点都好，都要支持咗呢个产业先，同时了解粤剧嘅文化，咁先会容易上手。”