贾晓晨JJ相隔7年再拍香港剧　首亮相ViuTV演富婆预告性感演出

久未于香港露面的贾晓晨（JJ），今日现身ViuTV的活动《ViuTV年中无休节目发布会》，已有7年冇于香港拍剧的她，坦言因监制说角色有靓仔男朋友而决定接拍，又透露说有性感场面，不过就有一件事令JJ好尴尬。

贾晓晨（JJ）一家四口长居内地生活，今日却罕有现身ViuTV的活动《ViuTV年中无休节目发布会》，原来她即将参演ViuTV剧集《法与情》，与谢安琪、陈静、李芯駖等一同拍剧。JJ上次于香港拍剧已是无线16年的剧集《末代御医》，讲到第一次同ViuTV合作，原来因为两个男人，首先是伍健雄（雄叔叔），她说与雄叔叔合作多次，对方拍的戏很有情怀，而对方说今次剧集角色很适合自己，所以就接拍。

JJ说自己于《法与情》的角色是一个富婆，而且有靓仔男朋友关智斌，自己听到都开心，亦因而抽时间回港拍剧，“初初听到觉得几好㖞，但睇完剧本我而家好惊，太性感喇，除咗要性感，又要好深情，又要间唔中……我唔知讲唔讲得㖞，好……死鱼，哈哈哈！”她讲到这句时更一度尴尬到要拧转面，被问性感尺度有几夸张，JJ说：“睇完个剧本都谂住同导演讲可唔可以隐晦啲，唔好咁直接，我谂剧嘅尺度唔会好大啫，我都好紧张，好耐冇拍。”

JJ透露剧集于5月中开拍，相信拍完都已经6月中至尾，今次都有带两个囡囡回来，她说：“一定带住㗎喇，平时我接佢放学，头先冇接到，佢都唔制，唔肯返屋企。”对于很久没回港，她说感觉同疫情前都差不多，自己本身念旧，每次返香港都很开心，讲到多年没以广东话拍剧，会否怕讲对白生疏，JJ直言不担心，“拍戏最紧要个角色演得似唔似，语言唔系问题，其实呢次返香港，我好深嘅印象系周街都讲普通话，所以冇问题，大家知我讲咩就得啦，哈哈。”