周永恒传遭家暴伤势恐布　内地妻Britni呼冤：我家暴佢？笑出嚟

前香港艺人，曾因家暴前妻赵颂茹被封世纪贱男的周永恒，4月21日晚突然传出被内地妻子Britni陈薇家暴，填词人因葵（陆谦游）晒出多张周永恒头部受伤的照片，矛头直指其妻。Britni于报导出街后连发多篇帖文直斥指控离谱：“我清者自清﹗”

周永恒2018年与内地女友陈薇（Britni）结婚，两人育有一子，初时女方不时上载周永恒生活照，但近2年不再见男方踪影，网民就指她仿佛过住单亲妈妈的生活，加上翻看她的IG发现她已删了与对方的合照，包括婚照，即令网民无限联想，甚至揣测两人可能已婚变。

因葵在Facebook上载多张周永恒受伤照：“情绪病续渐（逐渐）好转嘅时候，到个老婆发神经。其实有暴力倾向系个女人，或者有人会觉得抵死，但呢个朋友，我用咗超过三年时间同佢相处，你唔会估到佢其实系点。喺你哋眼中佢只系八卦新闻一则，但我见到佢今晚含冤入狱，我实在忍唔住。”

Britni在报导出街后于社交网多次更新：“严正声明！唔系事实嘅报导一律唔回复，如有必要我会起诉相关未经我本人证实嘅一切新闻来源！多谢关心。”又指：“依家呢个网络世界有逻辑嘅人真系唔系好多…我嘅忠告系睇少啲“爱回家”因为白痴就系咁样练成㗎啦各位晚安。”更意有所指谓：“呢个荒谬嘅世界想红想出位嘅人就可以出卖灵魂完全冇良知可言？心情冇办法平复，对我打击太大…收到好多熟人、认识或完全唔认识嘅朋友网民私底下关心同支持，力撑我人品为人……我己经足够安慰。接落嚟我会勇敢啲面对以后嘅舆论同挑战！多谢大家关心。”透露事件进入司法程序，不方便多讲请网友见谅。