飞黄腾达｜张达伦演基金经理 着过百万西装：帮我做咗十几套
撰文： 吴子生
出版：更新：
张达伦（Max）昨日（14/3）现身大埔出席MakerVille原创剧《飞黄腾达》拜神仪式。在剧中饰演基金经理的Max就表示：“我呢个角色系要载住副蓝色隐形眼镜做戏，因为导演想我呢个角色呈现出贵族𠮶种身份，但长时戴住真系会好唔舒服，对眼会好攰同好干，变咗好多时就要滴眼药水去滋润双眼。而佢哋更落重本帮我做咗十几套靓西装，加埋过百万，所以今次佢哋都几大制作㗎。”
被问到现实中有否在投资上失利过？Max表示：“后生嘅时候不知交咗几多学费，系股票度输咗我人生嘅3分之2嘅身家，当时谂住自己后生有得搏，于是听人讲买啲毫子股，点知一入货就睇住佢跌，睇到我一壳眼泪。自此之后，以后都唔敢再玩，你而家见我仲喺度做，就知我仲追紧𠮶3分2，哈哈。”