陈曼娜做矫正近视手术失败每日以泪洗面：而家视力得一半
撰文： 吴子生
出版：更新：
陈曼娜（Manna）今日（14/3）现身大埔出席MakerVille原创剧《飞黄腾达》拜神仪式。Manna透露身受眼疾困扰三十多年，令她苦不堪言：“其实喺呢咁多年嚟，我系半盲状态，因为喺三十年前我去咗做矫正近视嘅手术，点知最后手术失败，我视网膜脱落咗，视力得返一半，对我打击好大，唔知将来会系点，每日以泪洗面，对我身心伤害好大，但谂起家人就唯有撑落去，喺呢三十年我视力好差，而且因为咁我经常跌亲。结果我揾咗另一个医生，佢帮我救返只左眼。”
Manna续指：“今日我嚟呢个活动前，我先见完医生，过两日医生会帮我做一个手术，用最新科技将隐形眼镜导入只眼里面，完成咗之后，我唔使再戴近眼镜，视力就会清楚啲。一路以来，我受视力影响，好多识我嘅朋友同我打招呼，我都望佢哋唔到，令到佢哋以为我扮晒嘢，就系产生咗好多误会出嚟。希望过两日做完手术，可以再睇得到靓仔啦！”