刘马车刑满出狱预告重出江湖　呻狱中苦况爆曾自杀多次

曾自称“全港最高质YouTuber”的刘马车早前因犯下多宗罪在内地被捕，近日他终于刑满出狱，并于昨日（20/1）在其个人YouTube频道上载数段影片预告重出江湖，约定大家于大年初一，下午4时在尖沙咀钟楼倾下偈。片中，他先向各位曾经被刘马车伤害的人致歉，续指这数年间思考了很多，亦有反思自己：“千祈唔好好似我咁衰，我唔知自己有冇机会翻身，我想做返个普通人但冇可能，个情况好麻烦，但我都要去面对社会、面对压力。”

他坦言当年因冲动累事，感到非常后悔，亦希望日后能够好好做人。刘马车亦有提及在狱中苦况，透露曾试过很多方法自杀：“成支洗洁精啪落去，扻头埋墙又试过，攞较剪插自己...人生好多嘢面对唔到系真系好想死咁去。”他更自爆因顶撞狱警而遭受暴力对待：“曾经有谂过自己系冇命出返嚟...个口都系血，唞气都唞唔到，𠮶下觉得就嚟要死。如果我就咁死咗喺入面，喺呢个世界边个会在乎呢？只有我爸爸会为我伤心，为我流泪。我就谂如果我仲有命，虽然我身体愈嚟愈差，一定要好好奋斗，揾多啲钱去报答佢。”刘马车表示自己虽然已经是人见人憎、过街老鼠，甚至乎“社会性死亡”，但仍会努力面对，希望可以透过自身经历鼓励大家。他又深情唱出自创歌曲《后悔药》，网民纷纷留言叫他“继续用作品说话”。