新闻女郎｜高海宁续约后头炮　与佘诗曼激斗演技：唔敢当

高海宁（高Ling)今日（19/1）现身长沙湾社区中心出席《高“龄”贺岁展关怀2023》探访活动。提到去年动笔续约无线后备受力捧，有传她担正3月开拍的新剧《新闻女郎》，与视后佘诗曼一较高下大斗演技。

高海宁接受《香港01》访问时亲口证实，3月份会为新剧开工：“话我同阿佘大斗演技我唔敢当，佢系我学习嘅对象。因为佢真系好叻，我试过遇到有啲角色唔识点做，我系会问佢意见，而每一次佢都俾到一啲好嘅意见我，令我更容易掌握到当中嘅需要，咁所以最开心嘅事就系可以再同佢合作，始终我哋都隔咗成7年嘅时间再次碰头，咁我可以借机问佢我有冇进步。（有传呢套剧系为你度身订造！）应该唔系嘅，我知大家好锡我，大家都希望公司会特登安排啲剧俾我，我谂公司佢哋收到啦，佢哋知㗎啦。”

对于有指杨茜尧因剧本不合而推辞。高Ling表示：“我冇听过呢个消息，喺两个月前接呢套剧嘅时候，系见过监制，咁所以𠮶阵时先知，变咗之前嘅嘢我系唔知。”