天龙八部｜王君馨求开下部有份打　甄子丹：你估我系李嘉诚咩？

由甄子丹（丹爷）监制、导演、及主演的电影《天龙八部之乔峰传》，昨晚（16/1）于湾仔会展举行慈善首映礼。丹爷透露拍摄此电影时，资金并非充裕，加上时间非常紧迫，在拍摄时都遇到一定困难：“其实每一次我拍摄电影嘅时候，我都系好追求完美嘅人嚟，咁所以喺咁艰难嘅时候，拍摄一套关于金庸咁经典嘅《天龙八部》入面嘅乔峰，系有畀到我双重压力嘅。”

提到王君馨在戏中只有文戏却没有打戏她大感可惜。丹爷笑言：“咁佢嘅角色系唔需要打，咁所以都唔系话拍亲甄子丹嘅戏都要打嘅，变咗都要睇返本身个角色需唔需要。（佢话有俾你睇过佢打嘅影片！）我觉得始终都有啲唔同嘅。（佢未够火喉？）佢已经好好，好好身手，只不过佢呢个角色冇空间俾佢发挥，呢个唯有下次。（下次开一部专打嘅戏俾佢！）咁都要睇老细㗎，唔系话我开就开，你估我系李嘉诚咩！”