爱回家｜苏韵姿疑迟到得罪高层被飞出剧组 袁文杰：迟到梗系唔好

袁文杰今日（9/1）现身电视城出席无线新剧《虚拟情人》拜神仪式。对于在《爱回家》剧中饰演熊心如一角的苏韵姿，近日被指戏屎兼迟到得罪高层，疑犯众憎被飞出剧组。袁文杰表示：“其实苏韵姿喺我心目中佢系一名乖乖女嚟，同埋佢系好投入去做每一场戏，咁我好希望可以快啲见返佢，（传佢迟到系事实？）其实我喺里面，我同滕丽明𠮶条线就比较多，所以我就冇见过佢迟到。（剧组对佢有怨言？）咁我又冇听过，而家听到佢有咁嘅消息，我系好突然。不过我好相信可以好快又会见到佢。（咁你就返工千祈唔好迟到！）咁梗系啦，我哋呢啲都一把年纪，都冇咩净低，唯有以身作则啦！”

被问到曾经有否在拍剧时迟到？袁文杰表示：“拍剧迟到梗系唔好啦，我喺呢度冇迟到，不过喺隔离台就总有一两次试过。好记得有次系病到7彩开唔到工，谂住打返公司请假，但当时套剧连续3日都系我嘅主景，变咗我系无可能自己唔喺度，于是死都要死返去完成埋佢。咁所以凭住呢次嘅经验话俾自己知。只要自己仲未瞓低，仲有一息尚存，我都要继续开工。”