林芊妤爆老公无俾家用　要靠自己揾食：我系自雇人士

星级瑜伽导师林芊妤（Coffee）今日（5/1）以嘉宾身份现身观塘出席HOY TV全新节目《有种老板娘2》录影，大谈创业奋斗史。Coffee个人运动品牌首卖当天全被抢购一空，网站更一度停止服务，网上平台经营至今，盈利丰盛，Coffee亦渐渐成为小富婆。

她接受《香港01》访问时笑言不敢当：“其实我变成咁都系多得我老公，系佢训练咗我出嚟嘅。因为佢觉得男女平等，女性都有揾钱嘅能力，而且多得佢嘅鼓励，不经不觉我就变咗一个女强人，连我自己都唔知嘅。（老公见你揾到钱有冇减家用？）其实咁耐以来，我都冇问我老公攞家用，哈哈，我系自雇人士。不过讲真，我又真系唔好意思问佢攞，系因为我赚嘅钱我系够用，而我都会用系我嘅家庭度，变咗我唔想一边问佢攞家用，一边自己又赚钱，然后又用佢嘅钱，我会觉得咁唔好。所以我同佢系财政系独立。但大家喺家庭嘅支出，大家就冇计较嘅。有时佢畀吓，有时我畀吓咁。”