85岁余慕莲14年后重游电视城　声线虚弱须用助行架：至惊行唔到

85岁余慕莲（鱼毛）2年前被诊断肺纤维化，后验出患罕有病症血液炎入主伊利沙伯医院ICU，情况一度危殆。幸好吉人天相，翌年4月鱼毛终于出院，更精心打扮与好友庆祝84岁生日。

近日鱼毛重游电视城，她声线略为虚弱，行路须用助行架，但精神不俗。71岁退休的她相隔14年，在好友邓达智陪同下重回旧公司，她坦言冇人陪“唔敢嚟”，并与老友安德尊重聚。

鱼毛近日身体康复不少，“冇咳就好正常。”鱼毛每朝早都会去公园散步锻炼肌肉，“至惊行唔到”，之后便回家同宠物龟玩和睇电视剧《真情》。她忆述2年前入院以为“死梗”，“我谂住死梗㗎啦，入咗去半年，唔可以食嘢，插喉插到周围都系。啲人话10个入去，9个都出唔返嚟，我系其中一个出返嚟。好感恩。”如今鱼毛半年要吊一次标靶药，她说：“唔可以翻发，翻发就Bye bye。”

谈到一生，鱼毛最大所求是置业：“自细冇家庭，所以我对婚姻冇信心，亦唔希望有下一代，我努力揾钱，希望老来有间屋，但唔好彩而家有病。”如今闲时可以同老友饮餐茶已心满意足。