67岁苏施黄拍片自爆患大肠癌第三期　下月做化疗靠食物保持开朗

现年67岁的前商台主持苏施黄曾于2005年战胜乳癌，之后如常工作，近年不时于YouTube频道“#教煮苏 This is So good”分享饮食见闻。上周四（20日）苏施黄拍片自爆患了大肠癌第三期。

片中苏施黄身处医院，精神不俗，她透露当初因为发现屙血，上月26日入院检查，“屙三几日停，个几月后又屙鲜血，但唔痛，会系乜呢？再去睇医生，医生话稳阵啲照肠好。”发现患癌后随即接受手术，苏施黄说：“星期三切割咗肠，大肠转角位切咗15cm，𠮶度有个肿瘤，侧边攞咗25粒淋巴，其中3个位有感染，医生晨早已经话肯定唔系第一期，验出嚟系大肠癌第三期，佢话稳阵啲，做完手术后再检查，睇吓有冇走去身体其他地方，骨或胸边度。”幸好没有扩散。

苏施黄透露做完手术后共住了8日医院：“做完手术𠮶日瘟瘟沌沌，但精神，吊咗两日盐水，第三日要求唔要吊盐水，我好钟意食嘢，拔晒啲尿喉盐水喉进食，自己喺病房行来行去，行一阵发现房太细，行出走廊，特登用手摆腰后面，挺直啲行，伤口因为微创，郁来郁去唔系好痛，感谢医生同护士护理人员，另外要超赞医院啲饮食。”

苏施黄靠食物保持心境开朗，“开心到不得了，一个人当你食嘢觉得自己病就好病，但当你觉得同Normal人一样就Normal，我开咗刀，咁大个症，仍然笑口噬噬，脸色非常之好，最紧要心境开朗，全靠食物。所以要感谢港怡医院，全香港讲食物最好嘅医院。当然我而家仲有大考验，因为仲要做化疗，唔紧要，化疗完又擦过，我啲朋友话化疗前先吃为敬，化疗后再吃为敬。”