艾粒演唱会｜当奴透露前妻有睇总彩排　公布离婚消息后松一口气

为庆祝艾粒出道二十年，一连四场的《歌颂生命沿途有你艾与粒激情双星璀璨二十 ICHIBAN 香港之夜》 昨晚（20/10）于九展Star Hall正式开骚，临近尾声时，大会公布演唱会将于明年二月开Part 2，完全不知情的少爷占和当奴先一脸茫然，再兴奋问：“真㗎？真㗎？”

两位于骚后接受访问时表示今次的演唱会是期待已久，原定今年2月举行，却受疫情影响要延期至10月。而距离Part 2的演唱会只剩下三个多月，当奴恍然大悟说：“系㖞！三个零月之后就系啦㖞！”少爷占表示会将本来准备好的环节搬上Part 2舞台：“好彩2月𠮶时本身谂住有啲talk，大家好期望嘅舞台剧形式，而家就可以将佢搬番落下年二月𠮶度做。”

提到于台上跳唱Anson Lo的《Megahit》，当奴说2月筹备演唱会时已经很喜欢这首歌，并打算开始排练，但因疫情令演唱会延期，所以临近暑假，差不多6月时才开始排练：“喺屋企开始排，劲听，我系每日听起码10次，喺架车度系咁听、系咁唱，练到发梦都喺度排紧呢只舞，㖊晚我都梦见呢首歌，我希望Anson Lo唔会睇到啦。”

艾粒演唱会｜当奴跳唱《Megahit》掀高潮　曾因黑面被听众投诉

至于自弹自唱Edan的《E先生连环不幸事件》少爷占就表示排练时间比当奴短：“个零月啦，佢拣咗《Megahit》我就谂可以做咩，冇理由又系跳舞，所以就不如弹琴啦。如果识弹嘅应该觉得我好渣，因为我个仔见我弹嘅时候话‘哗！咁简单嘅爸爸你首歌’，我话唱埋唔同㗎啦，又弹又唱两件事嚟，行开啦…佢见我练咗成个月，弹嚟弹去都系𠮶几个chord，佢就话‘好易㖞爸爸’。”

日前，当奴突然爆出跟结婚多年的太太张咏恩（Jan）离婚，他亦承认已经离婚五年。问到有否影响心情，他轻松表示完全没有：“讲咗出嚟超舒服，反而担心拎唔到个核酸结果，嚟唔到呢度做骚，张继聪𠮶单嘢搞到我好大压力，我系超惊，练歌同排舞都冇饮过水同除过口罩，担心呢样多过自己屋企事，反正都发生咗好耐，咁所以我都觉得冇乜嘢。”他指不是刻意隐瞒，只是一直找不到机会公布消息：“机会嚟到咪讲，记者问，我就话系呀，佢都话‘吓！’咁样。”

至于阿Jan有否来睇骚，当奴透露她昨天已前来观赏：“佢知今日有记者，就㖊日嚟咗睇总彩排，多谢晒大家。”他重伸与阿Jan如家人一样，少爷占亦不担心新闻会影响当奴情绪。问到守秘密是否很辛苦，少爷占笑言：“我以为佢讲咗畀好多人听，前几日先知佢净系话咗畀我一个人听，我又好保守到秘密嘅。”有机会与阿Jan复合吗？当奴说：“答你唔到呀，等下一世缘份仲喺唔喺度，如果你相信有好多世嘅话。（相唔相信下一世都会相遇？）承你贵言啰，真系答你唔到，而家主要都系做埋2、3，4场同埋Part 2，同埋嚟紧嘅马拉松。”